പുഴയിൽ ചാടിയ യുവാവിനെ രക്ഷിച്ചു

തലശ്ശേരി: ധർമടം മൊയ്തുപാലത്തിൽനിന്ന്​ പുഴയിൽ ചാടിയ ആളെ യുവാവ് പിറകെ ചാടി രക്ഷിച്ചു. എരഞ്ഞോളി മലാലിലെ ധനേഷാണ്​ (40) ഞായറാഴ്ച വൈകീട്ട് പുഴയിൽ ചാടി ആത്മഹത്യശ്രമം നടത്തിയത്. പാലത്തി‍ൻെറ കൈവരികളിൽ തൂങ്ങിയാടുകയായിരുന്നു ധനേഷ്. വിവരം ലഭിച്ച് പൊലീസ് എത്തിയതോടെ കൈവിട്ട് ഇയാൾ പുഴയിലേക്ക് ചാടുകയായിരുന്നു. ഈ സമയം സ്ഥലത്തെ ഒരു കല്യാണവീട്ടിലേക്ക് പോവുകയായിരുന്ന പൊതുപ്രവർത്തകനായ കാടാച്ചിറ കോട്ടൂർ സ്വദേശി മുഹമ്മദ് സാലി പുഴയിൽ ചാടി ധനേഷിനെ നീന്തി രക്ഷപ്പെടുത്തുകയായിരുന്നു. തുടർന്ന്​ ഫൈബർ ബോട്ടുമായെത്തിയ പൊലീസും നാട്ടുകാരും ഇരുവരെയും കരക്കെത്തിക്കുകയായിരുന്നു. കുടുംബപ്രശ്നം കാരണമാണ്​ ധനേഷ്​ പുഴയിൽ ചാടിയതെന്ന്​ പൊലീസ് പറഞ്ഞു.