സബ് ജൂനിയർ ചെസ് തുടങ്ങി

തലശ്ശേരി: ജില്ലതല സബ് ജൂനിയർ ചെസ് ചാമ്പ്യൻഷിപ് പാലയാട് തുടങ്ങി. സർവകലാശാല കാമ്പസിൽ ഡോ. അനൂപ് കേശവൻ ഉദ്ഘാടനം ചെയ്തു. സി. മോഹനൻ അധ്യക്ഷത വഹിച്ചു. പി. കരുണൻ, വി.വി. ബാലറാം എന്നിവർ സംസാരിച്ചു. ആൺകുട്ടികളുടെയും പെൺകുട്ടികളുടെയും വിഭാഗങ്ങളിൽ 25 ഓളം മത്സരാർഥികൾ മാറ്റുരക്കുന്നുണ്ട്. മത്സരത്തിൽ ആദ്യ നാല് സ്ഥാനങ്ങൾ നേടുന്ന താരങ്ങൾക്ക് സംസ്ഥാനതല മത്സരത്തിൽ ജില്ലയെ പ്രതിനിധാനംചെയ്യാനാവും.