കുടിയിറക്കി​െൻറ ആശങ്ക പകർന്ന്​ 'ദുരിതയാത്ര'

കണ്ണൂർ: സമരവഴിയിൽ പുതിയ കാഴ്​ചപകർന്നായിരുന്നു അവരുടെ വരവ്​. ആടും പശുക്കളും കിടക്കയും പായയും പാത്രങ്ങളും ഒക്കെയായുള്ള വരവ്​ കിടപ്പാടവും കുടിലും വി​ട്ടൊഴിയേണ്ടിവരുന്ന ഒരു ജനസമൂഹത്തി​ൻെറ പരി​ച്ഛേദമായി. കൃത്രിമ ജലപാതക്കെതിരെ കുടിയൊഴിപ്പിക്കപ്പെടുന്നവർ കലക്​ട​റേറ്റിലേക്ക്​ നടത്തിയ 'ദുരിത യാത്രയാണ്​' ദുരിത കാഴ്​ചയായത്​. സമരവേദിക്ക്​ സമീപത്തായി സമരക്കാർ ആടിനെ കെട്ടി. ജനിച്ച മണ്ണിൽനിന്ന്​ ജനങ്ങളെ പിഴുതെറിയുന്ന കൃത്രിമ ജലപാത നടപ്പാക്കാൻ അനുവദിക്കില്ലെന്ന മുന്നറിയിപ്പുമായാണ്​ സമരക്കാർ കണ്ണൂരിൽ എത്തിയത്​. ജലപാത നാടിനെ രണ്ടായി വിഭജിക്കുമെന്ന ഭയവും സമരക്കാർ പങ്കുവെക്കുന്നുണ്ട്​. ജലപാത കടന്നുപോകുന്ന വിവിധ പ്രദേശങ്ങളിൽ നിന്നുള്ള സ്​ത്രീകളും കുട്ടികളും ഉൾപ്പെടെ നൂറുകണക്കിന്​ ആളുകളാണ്​ ദുരിതയാത്രയിൽ അണിനിരന്നത്​. കലക്​ടറേറ്റിന്​ മുന്നിൽ പ്രതിപക്ഷ നേതാവ്​ വി.ഡി. സതീശൻ ഉദ്​ഘാടനം ചെയ്​തു. സംഘാടക സമിതി ചെയർമാൻ ഇ. മനീഷ്​ അധ്യക്ഷത വഹിച്ചു. അഡ്വ. സണ്ണി ജോസഫ്​ എം.എൽ.എ, മേയർ അഡ്വ. ടി.ഒ. മോഹനൻ, അഡ്വ. വിനോദ്​ പയ്യട, ഡോ. ഡി. സുരേന്ദ്രനാഥ്​, യു.ഡി.എഫ്​ ജില്ല ചെയർമാൻ പി.ടി. മാത്യു, കൺവീനർ അഡ്വ. അബ്​ദുൽ കരീം ചേലേരി, കെ.വി. അജീർ (സി.എം.പി), സാദിഖ്​ ഉളിയിൽ (വെൽഫെയർ പാർട്ടി), എം.കെ. ജയരാജൻ (എസ്​.യു.സി.ഐ), രാജൻ കോര​​​േമ്പത്ത്​ (ജലപാത വിരുദ്ധ സമിതി), നാവത്ത്​ ചന്ദ്രൻ, കെ.വി. അജി (ബി.ഡി.ജെ.എസ്​), പി.ആർ. രാജൻ (ബി.​ജെ.പി), ബഷീർ കണ്ണാടിപ്പറമ്പ്​ (എസ്​.ഡി.പി.ഐ), കെ.പി. ചന്ദ്രൻ എന്നിവർ സംസാരിച്ചു.