കതിരൂരിൽ ഫിലിം ഫെസ്​റ്റ്

തലശ്ശേരി: കെ.എസ്.ടി.എ ജില്ല സമ്മേളനത്തി​ൻെറ ഭാഗമായി കതിരൂരിൽ ഫിലിം ഫെസ്​റ്റ് സംഘടിപ്പിച്ചു. തരുവണത്തെരു പാട്യം ഗോപാലൻ സ്​മാരക ഓഡിറ്റോറിയത്തിലെ ജ്യോതി ടാക്കീസിൽ സംവിധായകൻ ഷെറി ഉദ്ഘാടനം ചെയ്​തു. കെ.എസ്.ടി.എ സംസ്ഥാന കമ്മിറ്റി അംഗം കെ.സി. സുധീർ അധ്യക്ഷത വഹിച്ചു. കെ.സി.ഇ.യു തലശ്ശേരി ഏരിയ സെക്രട്ടറി പി. സുരേഷ് ബാബു, കെ.എസ്.ടി.എ ജില്ല സെക്രട്ടറി വി. പ്രസാദ് എന്നിവർ സംസാരിച്ചു. കടൽത്തീരത്ത്, പൊള്ളാഞ്ചി, കാവകം തുടങ്ങിയ ഷോർട്ട് ഫിലിമുകൾ പ്രദർശിപ്പിച്ചു. അനുരാധ നമ്പ്യാർ, ജിത്തു കോളയാട്, ശ്രീകുമാർ എരുവട്ടി എന്നിവർക്കുള്ള ഉപഹാരങ്ങൾ ചിത്രകാരൻ കെ.എം. ശിവകൃഷ്​ണൻ മാസ്​റ്റർ കൈമാറി. മണിലാൽ, ജയദേവൻ എന്നിവർ നേതൃത്വം നൽകി. വാർഡ് മെംബർ എൻ. സുധീഷ് സ്വാഗതവും കെ.കെ. അനീഷ് നന്ദിയും പറഞ്ഞു.