മൊകേരി കടേപ്രം കോൺഗ്രസ് ഓഫിസിനുനേരെ അക്രമം        

പാനൂർ: മൊകേരിയിൽ കോൺഗ്രസ് ഭവനുനേരെ അക്രമം. കടേപ്രത്തെ ഇന്ദിര ഭവനാണ് അക്രമത്തിനിരയായത്. ഓഫിസി​ൻെറ ജനൽ ചില്ലുകൾ അടിച്ചുതകർത്തു. വെള്ളിയാഴ്ച രാത്രിയാണ് സംഭവം. സി.പി.എം പ്രവർത്തകനാണ് പിന്നിലെന്ന് കോൺഗ്രസ് നേതൃത്വം ആരോപിച്ചു. കോൺഗ്രസ് നേതാക്കൾ പാനൂർ പൊലീസിൽ പരാതി നൽകി. പൊലീസ് സ്ഥലത്തെത്തി പ്രാഥമികാന്വേഷണം നടത്തി. സംഭവത്തിൽ ഡി.സി.സി സെക്രട്ടറി ഹരിദാസ് മൊകേരിയും മണ്ഡലം കോൺഗ്രസ് പ്രസിഡൻറ്​ രാജേഷ് കൂരാറയും പ്രതിഷേധിച്ചു.