കുടിശ്ശികയുള്ള വഖഫ് സഹായങ്ങൾ വിതരണം ചെയ്യണം

ചാലാട്: കുടിശ്ശികയുള്ള വഖഫ് സഹായങ്ങൾ വിതരണം ചെയ്യാൻ വഖഫ് ബോർഡ് തയാറാവണമെന്ന്‌ ചാലാട് മഹല്ല്​ മുസ്‌ലിം ജമാഅത്ത് യോഗം ആവശ്യപ്പെട്ടു. വഖഫ് ബോർഡി​ൻെറ നിയമനങ്ങളും അധികാരങ്ങളും രാഷ്​ട്രീയ ലക്ഷ്യത്തോടെ നീക്കാനുള്ള സർക്കാർ നിലപാട് തിരുത്തണം. അഞ്ചുവർഷത്തിലേറെയായി ഗുരുതര രോഗത്തിനടിപ്പെട്ട മുഅല്ലിംകൾക്കും ഖത്തീബുമാർക്കും അവരുടെ ചികിത്സക്കുള്ള വഖഫ് ബോർഡിൽനിന്നുള്ള അർഹമായ സഹായങ്ങൾ ലഭിക്കുന്നില്ല. മക്കളുടെ വിവാഹത്തിനുള്ള സഹായ കാര്യത്തിലും ഇതുതന്നെയാണ് അവസ്ഥ. പി.എസ്.സി നിയമനമെന്ന നിലപാടിൽനിന്ന് സർക്കാർ പിന്നോട്ടുപോവണമെന്നും ആവശ്യപ്പെട്ടു. പ്രസിഡൻറ്​ വി.പി. ഹാഷിം ഹാജി അധ്യക്ഷത വഹിച്ചു. കെ.എൻ. സാബിത്ത്, പി.കെ. ബാക്കിർ, കെ. ഉമ്മർ, ബി.കെ. ഹാരിസ്, കെ.ഇ. ഷാദുലി, എൽ.വി. അബ്​ദുൽ സലാം ഹാജി തുടങ്ങിയവർ സംബന്ധിച്ചു. ടി.പി. ജലീൽ ഹാജി സ്വാഗതം പറഞ്ഞു.