കോഴി വളർത്തൽ പദ്ധതി

ശ്രീകണ്ഠപുരം: നഗരസഭയുടെ 'അടുക്കള മുറ്റത്ത് കോഴി വളർത്തൽ' പദ്ധതിയുടെ ഉദ്ഘാടനം ചെയർപേഴ്സൻ ഡോ. കെ.വി. ഫിലോമിന നിർവഹിച്ചു. വികസനകാര്യ സ്ഥിരം സമിതി ചെയർപേഴ്സൻ ജോസഫീന വർഗീസ് അധ്യക്ഷത വഹിച്ചു. കൂട്ടുമുഖം വെറ്ററിനറി സർജൻ ഡോ. ചിഞ്ചു ജോസ് പദ്ധതി വിശദീകരിച്ചു. വിമൽ, പി.പി. ചന്ദ്രാംഗദൻ, കെ.ഒ. പ്രദീപൻ എന്നിവർ സംസാരിച്ചു. ശ്രീകണ്ഠപുരം നഗരസഭയിലെ 600 ഗുണഭോക്താക്കൾക്കാണ് 60 ദിവസം പ്രായമുള്ള കോഴിക്കുഞ്ഞുങ്ങളെ വിതരണം ചെയ്തത്.