Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKannurchevron_rightപൗരത്വസമരം...

പൗരത്വസമരം നേട്ടമായെന്ന്​ സി.പി.എം റിപ്പോർട്ട്​

text_fields
bookmark_border
കണ്ണൂർ: പൗരത്വ ഭേദഗതിക്കെതിരായ സമരം വഴി മുസ്​ലിം ലീഗിലെയും കോൺഗ്രസിലെയും ഒരു വിഭാഗത്തെ പാർട്ടിയുമായി അടുപ്പിക്കാനായെന്ന്​ സി.പി.എം ജില്ല സമ്മേളന റിപ്പോർട്ട്​. പൗരത്വ ഭേദഗതിക്കെതി​രെ നടത്തിയ ഭരണഘടന സംരക്ഷണ മഹാശൃംഖല വലിയ മുന്നേറ്റമായി മാറി. മൂന്നേകാൽ ലക്ഷത്തോളം പേർ പങ്കാളികളായ ശൃംഖലയിൽ അണിനിരന്ന സ്​ത്രീകൾ ഉൾപ്പെടെയുള്ളവരിൽ നല്ലൊരു വിഭാഗം കോൺഗ്രസിൽ നിന്നും മുസ്​ലിം ലീഗിൽനിന്നുമടക്കമുള്ള ആളുകളാണെന്നും റിപ്പോർട്ട്​ എടുത്തുപറയുന്നു. പാർട്ടി ഏറ്റെടുത്ത പുഴ സംരക്ഷണ ​പ്രവർത്തനങ്ങൾ, കണ്ണൂർ സിറ്റിയിൽ 12 വയസ്സുകാരി മന്ത്രവാദത്തെത്തുടർന്ന്​ ചികിത്സ കിട്ടാതെ മരിച്ച സംഭവം സംബന്ധിച്ച്​​ സംഘടിപ്പിച്ച, അന്ധവിശ്വാസത്തിനെതിരായ കാമ്പയിൻ എന്നിവ പാർട്ടിക്ക്​ പുറത്തുള്ളവരെ കൂടി ആകർഷിക്കാനായി. പാവപ്പെട്ടവർക്ക്​ 182 വീട്​ നൽകി, ഇത്​ പാർട്ടിയും ജനങ്ങളും തമ്മിലുള്ള അടുപ്പം വർധിപ്പിച്ചു എന്നിങ്ങനെയാണ്​ റിപ്പോർട്ടിലെ ഉള്ളടക്കം. മുഖ്യമന്ത്രിയുടെ മണ്ഡലമായ ധർമടത്തി​ൻെറ ഭാഗമായ കടമ്പൂർ പഞ്ചായത്തിൽ പാർട്ടിക്ക്​ ഭരണം നഷ്​ടമായതും മുഴപ്പിലങ്ങാട്​ പഞ്ചായത്തിൽ വ്യക്​തമായ ഭൂരിപക്ഷം നേടാനാകാതെപോയതും ​വലിയ തിരിച്ചടിയാണെന്ന്​ റിപ്പോർട്ട്​ ചൂണ്ടിക്കാട്ടുന്നു. കേന്ദ്ര സർക്കാറിനെതിരെ വീട്ടുമുറ്റ സത്യഗ്രഹത്തിൽ ചിലയിടത്ത്​ ആളുകൾ ഉണ്ടായില്ലെന്ന വിമർശനവും റിപ്പോർട്ടിലുണ്ട്​. 2019ലെ ലോക്​സഭ തെരഞ്ഞെടുപ്പിലെ തിരിച്ചടി തിരിച്ചറിഞ്ഞ്​ നടത്തിയ പ്രവർത്തനങ്ങൾ വഴി തുടർന്ന്​ നടന്ന ​തദ്ദേശ തെരഞ്ഞെടുപ്പിലും നിയമസഭ തെരഞ്ഞെടുപ്പിലും മികച്ച നേട്ടം കൈവരിക്കാനായി. കണ്ണൂർ കോർപറേഷനിൽ ഭരണം പിടിക്കാൻ കഴിയാതെ പോയത്​ കാര്യമായി പരിശോധിക്കണമെന്നും റിപ്പോർട്ട്​ പറയുന്നു. ഘടകകക്ഷിയായ സി.പി.ഐക്കെതിരെ നിശിത വിമർശനവുമുണ്ട്​. മുന്നണി മര്യാദ പാലിക്കാതെയാണ്​ സി.പി.ഐ ജില്ല നേതൃത്വം മുന്നോട്ടുപോകുന്നതെന്നാണ്​ കുറ്റപ്പെടുത്തൽ. സി.പി.എം വിട്ടവരെ സി.പി.ഐ സ്വീകരിച്ചതിനെ ചൊല്ലിയാണ്​ ഘടകകക്ഷിക്കെതിരായ പരാമർശം. തളിപ്പറമ്പ്​ മാന്ധംകുണ്ടിൽ പാർട്ടി മുൻ ഏരിയ കമ്മിറ്റിയംഗവും തളിപ്പറമ്പ്​ നഗരസഭ വൈസ്​ ചെയർമാനുമായിരുന്ന​ കോമത്ത്​ മുരളീധരനും കൂടെയുള്ള 57 പേരുമാണ്​ സി.പി.എം വിട്ട്​ സി.പി.ഐയിൽ ചേർന്നത്​. കോമത്ത്​ മുരളീധരനെയും കൂട്ടരെയും സി.പി.ഐ സ്വീകരിച്ചതിൽ കടുത്ത എതിർപ്പ്​ പ്രകടിപ്പിച്ചെങ്കിലും സി.പി.ഐ മുഖവിലക്കെടുത്തില്ല. മാത്രമല്ല, കണ്ണൂർ തായത്തെരുവിൽ സി.പി.എം വിട്ട മുൻ ലോക്കൽ​ ​സെക്രട്ടറി ടി.എം. ഇർഷാദ്​, മുൻബ്രാഞ്ച്​ സെക്രട്ടറി പി.കെ. ഷംസീർ എന്നിവരെ സി.പി.ഐ അംഗത്വം നൽകി സ്വീകരിക്കുകയും ചെയ്​തു. ഇക്കാര്യം ചൂണ്ടിക്കാട്ടിയാണ്​, കമ്യൂണിസ്​റ്റ്​ പാർട്ടികൾ തമ്മിലും മുന്നണിയിൽ ഘടകകക്ഷികൾ തമ്മിലും പാലിക്കേണ്ട മര്യാദ സി.പി.ഐ മറക്കരുതെന്നും റിപ്പോർട്ടിൽ പറയുന്നത്​. എ.കെ. ഹാരിസ്​
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

Next Story