മനോവിഭ്രാന്തിയുള്ള യുവാവ്​ ആംബുലന്‍സ് തകര്‍ത്തു

കണ്ണൂര്‍: സ്വകാര്യ ആശുപത്രിക്ക് സമീപം നിര്‍ത്തിയിട്ട ആംബുലന്‍സി​ൻെറ ചില്ലുകൾ അടിച്ചുതകർത്തു. കണ്ണൂര്‍ തെക്കീബസാർ അശോക ആശുപത്രിക്ക് മുന്നില്‍ നിര്‍ത്തിയിട്ട ആംബുലൻസി​ൻെറ മുൻഭാഗത്തെ ചില്ലുകളാണ് മനോവിഭ്രാന്തിയുള്ള യുവാവ്​ ബുധനാഴ്​ച രാവിലെ തകർത്തത്​. രാവിലെ ഏഴിന്​ ഡ്രൈവർ കമാൽ വാഹനത്തിലുള്ളപ്പോഴാണ്​​ സംഭവം. കൈകൊണ്ട്​ ഇടിച്ചാണ്​ ഗ്ലാസ്​ പൊട്ടിച്ചത്​. 8,000 രൂപയുടെ നഷ്​ടം കണക്കാക്കുന്നു. ആംബുലൻസ്​ ഉടമ ഹാരിസ്​ മുണ്ടേരിയുടെ പരാതിയില്‍ യുവാവിനെ പൊലീസ്​ കസ്​റ്റഡിയിലെടുത്തു. ഇയാൾ ഈ ഭാഗത്ത്​ അലഞ്ഞുതിരിയുന്ന ആളാണെന്ന്​ നാട്ടുകാർ പറഞ്ഞു. ഇയാൾ നേരത്തെ സിഗ്നൻ ലൈറ്റ്​ എറിഞ്ഞുപൊളിച്ചതായും വാഹനങ്ങൾക്കും സ്ഥാപനങ്ങൾക്കുംനേരെ അക്രമം നടത്തിയതായും പരാതിയുണ്ട്​.