റേസിങ് ഡേ ആചരിച്ചു

പയ്യന്നൂർ: ഡിസംബർ ആറ് ദേശീയ റൈസിങ് ഡേയുടെ ഭാഗമായി പയ്യന്നൂർ അഗ്നിരക്ഷാനിലയത്തിൽ കേരള ഫയർ ആൻഡ് റസ്ക്യൂ സ്​റ്റേഷൻ പയ്യന്നൂർ, കേരള സിവിൽ ഡിഫൻസ്, ഹോം ഗാർഡ് എന്നിവയുടെ സംയുക്താഭിമുഖത്തിൽ വിവിധ പരിപാടികൾ സംഘടിപ്പിച്ചു. ദിനാചരണത്തോടനുബന്ധിച്ച് സ്​റ്റേഷൻ ഓഫിസർ ടി.കെ. സന്തോഷ് കുമാർ പതാക ഉയർത്തി. തുടർന്ന് പയ്യന്നൂർ ടൗൺ കേന്ദ്രീകരിച്ച് വാഹന ഘോഷയാത്രയും നടന്നു. അസിസ്​റ്റൻറ്​ ഓഫിസർ എം.എസ്. ശശിധരൻ, ഫയർ ആൻഡ് റസ്ക്യൂ ഓഫിസർമാരായ മുരളി നടുവലത്ത്, സുധിൻ, ഹോം ഗാർഡ് പി. രാമചന്ദ്രൻ, സിവിൽ ഡിഫൻസ് അംഗങ്ങളായ ടി.വി. സൂരജ്, സവാഹിർ, സിദ്ധാർഥൻ എന്നിവർ സംസാരിച്ചു. തുടർന്ന് നഗരത്തിൽ ബോധവത്​കരണ കുറിപ്പുകളും മധുരവും വിതരണം ചെയ്തു.