റോളർ സ്കേറ്റിങ്​: ആൻമരിയക്കും ആൽഫിനും ആദരം

ശ്രീകണ്ഠപുരം: റോളർ സ്കേറ്റിങ്ങിൽ നിരവധി മെഡലുകൾ വാരിക്കൂട്ടിയ സഹോദര വിദ്യാർഥികൾക്ക് മന്ത്രിയുടെ ആദരം. ശ്രീകണ്ഠപുരം കൊട്ടൂർവയൽ സ്കൂൾ നാലാംതരം വിദ്യാർഥി ആൽഫിൻ ജോസഫ്, മേരിഗിരി സ്കൂൾ എട്ടാം തരം വിദ്യാർഥി ആൻമരിയ ജോസഫ് എന്നിവരെയാണ് ജലവിഭവ മന്ത്രി റോഷി അഗസ്​റ്റിൻ ആദരിച്ചത്. കരുവഞ്ചാലിൽ നടന്ന കേരള കോൺഗ്രസ് നേതൃസംഗമത്തിലാണ് ആദരം. മന്ത്രി വിദ്യാർഥികൾക്ക് ഉപഹാരങ്ങൾ നൽകി. ജില്ല പ്രസിഡൻറ്​ ജോയി കൊന്നക്കൽ അധ്യക്ഷത വഹിച്ചു. ജന. സെക്രട്ടറി സജി കുറ്റ്യാനിമറ്റം, ജോയിസ് പുത്തൻപുര, കെ.ടി. സുരേഷ് കുമാർ, ആൻമരിയ ജോസഫ് തുടങ്ങിയവർ സംസാരിച്ചു. നേരത്തെ റോളർ സ്കേറ്റിങ്ങിൽ ഗിന്നസ് റെക്കോഡ് നേടിയ ആൻമരിയയും ആൽഫിനും ഇത്തവണ നിരവധി ജില്ല -സംസ്ഥാന മത്സരങ്ങളിൽ പങ്കെടുത്ത് ഒന്നാമതെത്തിയിട്ടുണ്ട്. ശ്രീകണ്ഠപുരത്തെ ടിപ്ടോപ് ഫർണിച്ചർ ഉടമ കൊട്ടൂർവയലിലെ കൈച്ചിറമറ്റത്തിൽ ബിജു -ലിജിയ ദമ്പതിമാരുടെ മക്കളാണ്. സഹോദരൻ: അലക്സ്. ആൻമരിയക്കും ആൽഫിനും മന്ത്രി റോഷി അഗസ്​റ്റിൻ ഉപഹാരം നൽകുന്നു