മരം ലോറി മറിഞ്ഞു

കേളകം: പൂവത്തിൻചോലയിൽ മരം കയറ്റിവന്ന മിനി ലോറി മറിഞ്ഞു. ആർക്കും പരിക്കില്ല. ശനിയാഴ്ച ഉച്ച 2.30ഓടെയാണ് അപകടം. നിസാർകവല ഭാഗത്തുനിന്ന് മരം കയറ്റി കേളകം ഭാഗത്തേക്ക് വരുകയായിരുന്ന ലോറി പൂവത്തിൻചോല ജങ്​ഷനിൽ ഓവുചാൽ നിർമാണത്തിനായി കുഴിച്ച കുഴിയിൽ അകപ്പെടുകയായിരുന്നു. അപകടത്തെ തുടർന്ന് ലോറിയിൽ ഉണ്ടായിരുന്ന മരങ്ങൾ റോഡിൽ ചിതറി. ഓവുചാൽ നിർമിക്കുന്നതുമായി ബന്ധപ്പെട്ടുള്ള മുന്നറിയിപ്പ് ബോർഡ്​ സ്ഥാപിക്കാത്തതാണ് അപകടത്തിന് കാരണമെന്ന് നാട്ടുകാർ പറഞ്ഞു.