സഞ്ചരിക്കുന്ന മാവേലി സ്‌റ്റോര്‍ നേരിട്ട് വിലയിരുത്തി ഭക്ഷ്യമന്ത്രി

കണ്ണൂർ: പൊതുവിപണിയില്‍ നേരിട്ട് ഭക്ഷ്യോല്‍പന്നങ്ങള്‍ എത്തിക്കുക, വിലക്കയറ്റ സാധ്യത തടയുക എന്നീ നയങ്ങളുടെ ഭാഗമായി സംസ്ഥാന സര്‍ക്കാര്‍ എല്ലാ താലൂക്കുകളിലും ഏര്‍പ്പെടുത്തിയ സഞ്ചരിക്കുന്ന മാവേലി സ്​റ്റോറി‍ൻെറ പ്രവര്‍ത്തനം വിലയിരുത്താന്‍ ഭക്ഷ്യമന്ത്രി നേരിട്ടെത്തി. കണ്ണൂര്‍ താലൂക്കിലെ മുണ്ടേരിമൊട്ടയിലാണ് മന്ത്രി ജി.ആര്‍. അനില്‍ എത്തിയത്. സഞ്ചരിക്കുന്ന മാവേലി സ്​റ്റോറില്‍ നിന്നുള്ള പ്രദേശത്തെ ആദ്യത്തെ വില്‍പനയും അദ്ദേഹം നിര്‍വഹിച്ചു. രാമചന്ദ്രന്‍ കടന്നപ്പള്ളി എം.എല്‍.എ, ജില്ല പഞ്ചായത്ത് സ്ഥിരം സമിതി അധ്യക്ഷന്‍ വി.കെ. സുരേഷ് ബാബു, മുണ്ടേരി ഗ്രാമപഞ്ചായത്ത് പ്രസിഡൻറ്​ എ. അനിഷ, വൈസ് പ്രസിഡൻറ്​​ എ. പങ്കജാക്ഷന്‍ എന്നിവര്‍ പങ്കെടുത്തു. ................................................................................................................... അതിദരിദ്രരെ കണ്ടെത്തല്‍ സഹായകേന്ദ്രവുമായി ജില്ല പഞ്ചായത്ത്​ പടം -help desk -അതിദരിദ്രരെ കണ്ടെത്തല്‍ പ്രക്രിയ ജില്ലതല ഹെല്‍പ് ഡെസ്‌ക് ജില്ല പഞ്ചായത്ത് പ്രസിഡൻറ്​​ പി.പി. ദിവ്യ ഉദ്ഘാടനം ചെയ്യുന്നു കണ്ണൂർ: അതിദരിദ്രരെ കണ്ടെത്തല്‍ പ്രക്രിയയുടെ വിവരശേഖരണത്തി‍ൻെറ ജില്ലാതല ഉദ്ഘാടനം തിങ്കളാഴ്ച വൈകീട്ട് അഞ്ചിന്​ കണ്ണപുരം പഞ്ചായത്തില്‍ മന്ത്രി എം.വി. ഗോവിന്ദന്‍ മാസ്​റ്റര്‍ നിര്‍വഹിക്കും. വിവരശേഖരണ പ്രവര്‍ത്തനങ്ങള്‍ ഏകോപിപ്പിക്കുന്നതിനുള്ള ഹെല്‍പ് ​ഡെസ്‌ക് ദാരിദ്ര്യ ലഘൂകരണ വിഭാഗം ഓഫിസില്‍ പ്രവര്‍ത്തനം തുടങ്ങി. ജില്ല പഞ്ചായത്ത് പ്രസിഡൻറ്​​ പി.പി. ദിവ്യ ഉദ്ഘാടനം ചെയ്തു. അതിദരിദ്രരുടെ അന്തിമ പട്ടികയില്‍ ഉള്‍പ്പെട്ടവരുടെ വിവരങ്ങള്‍ മൊബൈല്‍ ആപ്പി‍ൻെറ സഹായത്തോടെയാണ് എന്യൂമറേറ്റര്‍ മുഖേന ശേഖരിക്കുന്നത്. വിവരശേഖരണ സമയത്ത് മൊബൈല്‍ ആപ്പിനുണ്ടാകുന്ന തടസ്സങ്ങള്‍ പരിഹരിക്കുകയാണ് ഹെല്‍പ് ​ഡെസ്‌കി‍ൻെറ ഉദ്ദേശ്യം. 0497 2700143, 9495295077 എന്നിവയാണ് ഹെല്‍പ് ​ഡെസ്‌ക് നമ്പറുകള്‍. പരിപാടിയില്‍ ജില്ല നോഡല്‍ ഓഫിസര്‍ റ്റെനി സൂസന്‍ ജോണ്‍, ജില്ല ഫെസിലിറ്റേറ്റര്‍ പി.വി. രത്‌നാകരന്‍, മറ്റ് ഉദ്യോഗസ്ഥര്‍ എന്നിവര്‍ പങ്കെടുത്തു.