പ്രതിഷേധ പ്രകടനം നടത്തി

ശ്രീകണ്ഠപുരം: സി.പി.എം പെരിങ്ങര ലോക്കൽ സെക്രട്ടറിയായിരുന്ന പി.ബി. സന്ദീപ് കുമാറിനെ ആർ.എസ്.എസ് സംഘം വെട്ടിക്കൊലപ്പെടുത്തിയതിൽ പ്രതിഷേധിച്ച്​ ശ്രീകണ്ഠപുരം ഏരിയക്ക് കീഴിലെ വിവിധ ലോക്കലുകളിൽ പ്രകടനം നടത്തി. ശ്രീകണ്ഠപുരം ബസ്​സ്​റ്റാൻഡിൽ നടത്തിയ പ്രകടനം സി.പി.എം ജില്ല സെക്ര​േട്ടറിയറ്റ്​ അംഗം പി.വി. ഗോപിനാഥ് ഉദ്ഘാടനം ചെയ്തു. എം. വേലായുധൻ, പി. മാധവൻ എന്നിവർ സംസാരിച്ചു. വി.സി. രാമചന്ദ്രൻ സ്വാഗതം പറഞ്ഞു. ഏരുവേശിയിൽ ഏരിയ സെക്രട്ടറി എം.സി. രാഘവൻ ഉദ്ഘാടനം ചെയ്തു. ലോക്കൽ സെക്രട്ടറി കെ.പി. ദിലീപ് സ്വാഗതം പറഞ്ഞു.