എൻ.സി.സിയുടെ പ്രാധാന്യം വലുത് -ക്യാപ്റ്റൻ ദീപക് ഉച്ചമ്പള്ളി

മാഹി: കുട്ടികളിൽ മൂല്യബോധമുയർത്താനും ഐക്യബോധം വളർത്താനും അച്ചടക്കശീലമുണർത്താനും നാഷനൽ കാഡറ്റ് കോർപ്സിനാകുമെന്ന് ക്യാപ്റ്റൻ ദീപക്ക് ഉച്ചമ്പള്ളി പറഞ്ഞു. ചാലക്കര ഉസ്​മാൻ ഗവ. ഹൈസ്​കൂളിൽ രൂപവത്​കരിച്ച പുതിയ എൻ.സി.സി നേവൽ യൂനിറ്റി​ൻെറ നേതൃത്വത്തിൽ സംഘടിപ്പിച്ച എൻ.സി.സി ദിനാചരണം ഓൺലൈനായി ഉദ്ഘാടനം ചെയ്യുകയായിരുന്നു അദ്ദേഹം. മാഹി ചീഫ് എജുക്കേഷനൽ ഓഫിസർ പി. ഉത്തമരാജ് അധ്യക്ഷത വഹിച്ചു. കാഡറ്റുകളുടെ എൻ.സി.സി ഗാനാലാപന പരിപാടിയോടെ ആരംഭിച്ച സമ്മേളത്തിൽ സഹ പ്രധാനാധ്യാപിക എ.ടി. പത്മജ, കെ.വി. സന്ദീവ്, കെ. രസ്​ന, ദേവനന്ദ, അവന്തിക സന്തോഷ് എന്നിവർ സംസാരിച്ചു. പ്രധാനാധ്യാപകൻ എം. മുസ്​തഫ സ്വാഗതവും എൻ.സി.സി കെയർ ടേക്കർ എം.എം. വിനീത നന്ദിയും പറഞ്ഞു. തുടർന്ന്​ എൻ.സി.സി കാഡറ്റുകൾ വിവിധ പരിപാടികൾ അവതരിപ്പിച്ചു.