സമസ്ത ബോധന യത്നം ജില്ലതല സംഗമം

കണ്ണൂർ: സമസ്ത കോഓഡിനേഷൻ നടത്തുന്ന സമസ്ത ബോധന യത്നം ജില്ലതല സംഗമം സമസ്ത കേന്ദ്ര മുശാവറ സെക്രട്ടറി പി.പി. ഉമർ മുസ്​ലിയാർ ഉദ്​ഘാടനം ചെയ്​തു. ഇസ്​ലാം മതത്തെ കുറിച്ച് തെറ്റായകാര്യങ്ങൾ പ്രചരിപ്പിക്കുന്ന പ്രവണത വ്യക്തികളും സമൂഹവും പ്രസ്ഥാനങ്ങളും ഉപേക്ഷിക്കണമെന്ന്​ അദ്ദേഹം പറഞ്ഞു. സമസ്ത ജില്ല ഉപാധ്യക്ഷൻ എ. ഉമർ കോയ തങ്ങൾ പ്രാർഥന നിർവഹിച്ചു. സമസ്ത കേന്ദ്ര മുശാവറ അംഗം കെ.കെ.പി. അബ്​ദുല്ല മുസ്​ലിയാർ അധ്യക്ഷത വഹിച്ചു. സുന്നി യുവജനസംഘം സെക്രട്ടറി അബ്​ദുസ്സമദ് പൂക്കോട്ടൂർ, സ്വാമി പ്രേമാനന്ദ ശിവഗിരിമഠം എന്നിവർ പ്രഭാഷണം നടത്തി. മാണിയൂർ അബ്​ദുറഹ്‌മാൻ ഫൈസി, മുഹമ്മദ് ശരീഫ് ബാഖവി, ബ്ലാത്തൂർ അബ്​ദുറഹ്‌മാൻ മുസ്​ലിയാർ, അബൂബക്കർ ബാഖവി കമ്പിൽ, കൊതേരി മുഹമ്മദ് ഫൈസി, അബ്​ദുസ്സമദ് മുട്ടം, പി.പി. മുഹമ്മദ് കുഞ്ഞി അരിയിൽ, അബൂബക്കർ യമാനി, മുഹമ്മദ് ബ്നു ആദം, സിറാജുദ്ദീൻ ദാരിമി കക്കാട്, റിയാസ് ശാദുലിപ്പള്ളി, ലത്തീഫ് മാസ്​റ്റർ പന്നിയൂർ, നാസർ മൗലവി ഊർപ്പള്ളി എന്നിവർ സംബന്ധിച്ചു. പി.ടി. മുഹമ്മദ് മാസ്​റ്റർ സ്വാഗതം പറഞ്ഞു. photo: sandeep