ആശാവർക്കർമാർക്ക് ആദരം

ചക്കരക്കല്ല്: കോവിഡ് പ്രതിരോധ പ്രവർത്തനങ്ങളിൽ മുഖ്യപങ്കു വഹിച്ച ആശാ വർക്കർമാരോട് നീതിപൂർവകമായ സമീപനം പുലർത്താൻ സംസ്ഥാന സർക്കാർ തയാറാകണമെന്ന് ബി.ജെ.പി ജില്ല വൈസ് പ്രസിഡൻറ്​ സി.പി. സംഗീത ആവശ്യപ്പെട്ടു. ചെമ്പിലോട് പഞ്ചായത്ത് കമ്മിറ്റി ആഭിമുഖ്യത്തിൽ ആശാവർക്കർമാരെ ആദരിച്ച് സംസാരിക്കുകയായിരുന്നു അവർ. ധർമടം മണ്ഡലം പ്രസിഡൻറ്​ കെ.പി. ഹരീഷ് ബാബു അധ്യക്ഷത വഹിച്ചു. പഞ്ചായത്ത് കമ്മിറ്റി പ്രസിഡൻറ്​ രമേശൻ പൂവത്തുംതറ, പി. സതീശൻ, സി.കെ. ദിനേശൻ, കെ. ഭരതൻ തുടങ്ങിയവർ സംസാരിച്ചു.