Begin typing your search above and press return to search.
exit_to_app
exit_to_app
Posted On
date_range 6 Nov 2021 12:07 AM GMT Updated On
date_range 6 Nov 2021 12:07 AM GMTപെൺകുട്ടിയുടെ മരണം: പ്രത്യേക അന്വേഷണ സംഘത്തെ നിയമിക്കണം -ബഹുജന സംഗമം
text_fieldsbookmark_border
കണ്ണൂർ: സിറ്റി ഞാലുവയൽ, കൊടപ്പറമ്പ് പ്രദേശങ്ങൾ കേന്ദ്രീകരിച്ച് ഉവൈസ് മുസ്ലിയാർ നടത്തിയ മന്ത്രവാദ ചികിത്സയെ സഹായിക്കുന്ന ഗൂഢസംഘത്തിനെതിരെ പ്രത്യേക അന്വേഷണ സംഘത്തെ നിയമിക്കണമെന്ന് വിസ്ഡം ഇസ്ലാമിക് ഒാർഗനൈസേഷൻ സംഘടിപ്പിച്ച ബഹുജന സംഗമം ആവശ്യപ്പെട്ടു. മന്ത്രവാദിയെ ന്യായീകരിച്ച് സമൂഹമാധ്യമങ്ങളിൽ പ്രചാരണം നടത്തുന്നവർ തിരശ്ശീലക്ക് പിന്നിൽ നിൽക്കാതെ ജനങ്ങൾക്കും മാധ്യമങ്ങൾക്കും മുന്നിൽവന്ന് തങ്ങളുടെ വാദങ്ങൾ തുറന്നുപറയാൻ ആർജവം കാണിക്കണമെന്നും സംഗമം ആവശ്യപ്പെട്ടു. കുട്ടിക്ക് ചികിത്സ നിഷേധിച്ച മന്ത്രവാദി ഉവൈസ് മുസ്ലിയാർക്ക് കൂട്ടുനിന്ന ബന്ധുക്കൾക്കെതിരെ മനുഷ്യാവകാശ കമീഷൻ കേസെടുത്ത് അന്വേഷണം നടത്തണം. സംഗമം വിസ്ഡം ഇസ്ലാമിക് ഒാർഗനൈസേഷൻ പ്രസിഡൻറ് പി.എൻ. അബ്ദുല്ലത്തീഫ് മദനി ഉദ്ഘാടനം ചെയ്തു. അബ്ദു റഉൗഫ് കൂടാളി അധ്യക്ഷത വഹിച്ചു. രാമചന്ദ്രൻ കടന്നപ്പള്ളി എം.എൽ.എ, കോർപറേഷൻ മേയർ അഡ്വ. ടി.ഒ. മോഹനൻ, കെ. ഷഹറാസ് (സി.പി.എം), അബ്ദുൽ അസീസ് വടക്കുമ്പാട് (മുസ്ലിം ലീഗ്), എം.പി. സാബിർ, കെ. ഇബ്രാഹിം കുട്ടി എന്നിവർ സംസാരിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story