സി.പി.എം പാർട്ടി കോൺഗ്രസ്:​ ജില്ലയിൽ ഒരുക്കം തുടങ്ങി

കണ്ണൂർ: 2022 ഏപ്രിലിൽ കണ്ണൂരിൽ നടക്കുന്ന സി.പി.എം 23ാം പാർട്ടി കോൺഗ്രസിനെ വരവേൽക്കാൻ ​ ജില്ലയിൽ ഒരുക്കം തുടങ്ങി. പാർട്ടി ​കോൺഗ്രസി​ൻെറ വരവറിയിച്ച്​ പ്രാദേശിക തലത്തിലാണ്​ ഒരുക്കം തുടങ്ങിയത്​. ബ്രാഞ്ച്​ സമ്മേളനങ്ങൾ കഴിഞ്ഞ മാസം പൂർത്തിയായി. ജില്ലയിലെ ലോക്കൽ സമ്മേളനങ്ങൾ ഏറക്കുറെ സമാപനത്തിലേക്ക്​ നീങ്ങിയിരിക്കുകയാണ്​. ഇൗ മാസത്തോടെ പൂർത്തിയാകും. അടുത്ത മാസം ഒന്നുമുതൽ ഏരിയ സമ്മേളനങ്ങൾക്ക്​ തുടക്കം കുറിക്കും. ബ്രാഞ്ച്​ സമ്മേളനങ്ങൾ പൂർത്തിയാകുകയും ലോക്കൽ സമ്മേളനങ്ങൾ സമാപനത്തോട്​ അടുത്തിരിക്കുകയും ചെയ്​ത സാഹചര്യത്തിലാണ്​ താഴെ തട്ടിൽ പാർട്ടി കോൺഗ്രസി​ൻെറ പ്രചാരണം തുടങ്ങിയത്​. കീഴല്ലൂർ ലോക്കൽ കമ്മിറ്റി നിർമിച്ച പ്രചാരണ സ്​തൂപം ഏറെ ശ്രദ്ധേയമാണ്​. ലോക്കൽ കമ്മിറ്റി ഒാഫിസിനു മുന്നിലായാണ്​ സ്​തൂപം നിർമിച്ചിട്ടുള്ളത്​. അധ്വാനിക്കുന്ന ജനവിഭാഗത്തി​ൻെറ പ്രതീകമാണ്​ ഇവിടെ ഒരുക്കിയ സ്​തൂപം. ജില്ലയുടെ പല ഭാഗങ്ങളിലും ഇത്തരത്തിലുള്ള സ്​തൂപങ്ങൾ നിർമിച്ചു തുടങ്ങിയിട്ടുണ്ട്​. ഏരിയ സമ്മേളനങ്ങൾ കഴിയുന്നതോടെ ജില്ല പൂർണമായി പാർട്ടി കോൺഗ്രസി​ൻെറ ഒരുക്കത്തിൽ അമരും. ഇതിന്​ അനുസൃതമായ പരിപാടികൾക്കാണ്​ സി.പി.എം രൂപം നൽകിവരുന്നത്​. ഒമ്പതു വർഷത്തിനു ശേഷമാണ് കേരളത്തിൽ പാർട്ടി കോൺ​ഗ്രസ് നടക്കാൻ പോകുന്നത്​. 2012ൽ കോഴിക്കോട് ന​ഗരത്തിലായിരുന്നു 20ാംപാർട്ടി കോൺ​ഗ്രസ് നടന്നത്​. 2018ൽ ഹൈദരാബാദിലായിരുന്നു 22ാം പാർട്ടി കോൺഗ്രസ്​ നടന്നത്​. ....................... മട്ടന്നൂർ സുരേന്ദ്രൻ