പൊലീസ് സ്മൃതി ദിനം

പൊലീസ് സ്മൃതി ദിനം ചിത്രം: പൊലീസ് സ്മൃതി ദിനത്തി​ൻെറ ഭാഗമായി സ്​റ്റുഡൻറ് പൊലീസി​ൻെറ നേതൃത്വത്തിൽ പാപ്പിനിശ്ശേരിയിൽ നടന്ന സൈക്കിൾ റാലി വളപട്ടണം ഇൻസ്പെക്ടർ എം. രാജേഷ് ഫ്ലാഗ് ഓഫ് ചെയ്യുന്നു പാപ്പിനിശ്ശേരി: സ്​റ്റുഡൻറ് പൊലീസ് കാഡറ്റുകളുടെ നേതൃത്വത്തിൽ പാപ്പിനിശ്ശേരിയിൽ പൊലീസ് സ്മൃതി ദിനം ആചരിച്ചു. പാപ്പിനിശ്ശേരി ഇ.എം.എസ് സ്മാരക ഹയർ സെക്കൻഡറി സ്കൂളും അരോളി ഗവ. ഹയർ സെക്കൻഡറി സ്കൂളും സംയുക്തമായാണ് സ്മൃതിദിനം ആചരിച്ചത്. കാഡറ്റുകളുടെ സൈക്കിൾ റാലി വളപട്ടണം ഇൻസ്പെക്ടർ രാജേഷ് മാരാംഗലത്ത് ഫ്ലാഗ് ഓഫ് ചെയ്തു. എസ്.പി.സി കാഡറ്റുകൾ വളപട്ടണം പൊലീസ് സ്​റ്റേഷൻ സന്ദർശിക്കുകയും ആയുധങ്ങൾ പരിചയപ്പെടുകയും ചെയ്തു. തുടർന്ന് നടന്ന ക്ലാസിന് എസ്.ഐ രാജൻ കൊട്ടമല നേതൃത്വം നൽകി. വളപട്ടണം എസ്.ഐ എം. ദിജേഷ്, പാപ്പിനിശ്ശേരി സ്കൂൾ പ്രഥമാധ്യാപകൻ സി. അനൂപ് കുമാർ, അരോളി സ്കൂൾ പ്രഥമാധ്യാപിക സുചിത്ര, എൻ.പി. ബിനീഷ്, ഇ.കെ. സതീഷ് കുമാർ, ദിനേഷ് ബാബു, കെ. നജ്മ, പി. ലെഷ്മ, സി.പി.ഒമാരായ കെ. സജേഷ്, എം. സുരേഷ് എന്നിവർ സംസാരിച്ചു.