Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKannurchevron_rightഅപകടയാത്രക്ക്​ തടയിടാൻ ...

അപകടയാത്രക്ക്​ തടയിടാൻ റിഫ്ലക്​ടർ സിഗ്​നൽ

text_fields
bookmark_border
അപകടയാത്രക്ക്​ തടയിടാൻ റിഫ്ലക്​ടർ സിഗ്​നൽphoto sandeep അപകട​ങ്ങൾ ഒഴിവാക്കാൻ താഴെചൊവ്വ മുതൽ പുതിയതെരു വരെ റിഫ്ലക്​ടർ സിഗ്നൽ സ്ഥാപിക്കുംകണ്ണൂർ: നഗരത്തിൽ ഡിവൈഡർ വില്ലനായിട്ട്​​ കാലമേറെയായി. ഇതി​ൻെറ ഫലമായി അപകടങ്ങൾ തുടർക്കഥയാണ്​. രാത്രി കാലങ്ങളിലാണ്​ ഡിവൈഡറുകളിൽ ഇടിച്ചും കയറിയും വാഹനാപകടങ്ങൾ കൂടുതലായും നടക്കുന്നത്​. ഇതേത്തുടർന്ന്​ കണ്ണൂർ ട്രാഫിക്​ പൊലീസ്,​ ഡിവൈഡറുകളിൽ റിഫ്ലക്​ടറുകൾ സ്​ഥാപിക്കാൻ തുടങ്ങി​. കണ്ണൂരിലെ എ.കെ ഇൻറീരിയോ എന്ന സ്ഥാപനത്തി​ൻെറ സഹകരണത്തോടെയാണ്​ കണ്ണൂർ ട്രാഫിക് പൊലീസ്​ താഴെചൊവ്വ മുതൽ പുതിയതെരു വരെ റിഫ്ലക്​ടർ സിഗ്നൽ സ്ഥാപിക്കുന്നത്. ഇതിൽ താഴെചൊവ്വ, താണ, മക്കാനി, പള്ളിക്കുന്ന്​, പൊടിക്കുണ്ട്​ എന്നിവിടങ്ങളിൽ കഴിഞ്ഞ ദിവസം റിഫ്ലക്​ടർ സിഗ്നൽ സ്​ഥാപിച്ചുകഴിഞ്ഞു. ട്രാഫിക്​ എസ്​.ഐ വി.വി. മനോജ്​ കുമാറി​ൻെറ നേതൃത്വത്തിലാണ്​ ഇവ സ്​ഥാപിച്ചത്​. വാഹനാപകടങ്ങൾ പതിവായതോടെ പലയിടത്തും ഡിവൈഡറുകൾ തകർന്നിട്ടുണ്ട്​. വാഹനത്തിലുള്ളവർക്ക്​ പരിക്കേൽക്കുന്നുമുണ്ട്​. റിഫ്ലക്​ടറുകൾക്ക്​ പുറമെ നഗരത്തിലെ വെളിച്ചക്കുറവ്​ പരിഹരിക്കാനുള്ള സംവിധാനവും വേണം. റിഫ്ലക്​ടറുകൾ സ്​ഥാപിച്ചതി​ൻെറ ഗുണം പൂർണതോതിൽ കിട്ടണമെങ്കിൽ ഇതും കൂടി വേണമെന്നതാണ്​ അവസ്​ഥ.
Show Full Article
TAGS:
Next Story