കേരള ബാങ്ക്​ ധർണ

കേരള ബാങ്ക്​ ധർണകണ്ണൂർ: വിവിധ ആവശ്യങ്ങളുന്നയിച്ച്​ കേരള കോഓപറേറ്റിവ് വർക്കേഴ്​സ്​ ഫെഡറേഷൻ (എച്ച്​.എം.എസ്​) ജില്ല കമ്മിറ്റിയുടെ നേതൃത്വത്തിൽ കേരള ബാങ്കിന് മുന്നിൽ നടത്തിയ ധർണ സി.എം.പി സംസ്ഥാന അസി. സെക്രട്ടറി സി.എ. അജീർ ഉദ്ഘാടനം ചെയ്​തു. കേരള ബാങ്ക് നിയമനങ്ങളിൽ പ്രാഥമിക സഹകരണസംഘം ജീവനക്കാർക്ക് 50 ശതമാനം സംവരണം നിലനിർത്തുക, നിയമനങ്ങളിൽ മുഴുവൻ സഹകരണസംഘം ജീവനക്കാരെയും ഉൾപ്പെടുത്തുക, സൊസൈറ്റികൾക്ക് നൽകാനുള്ള ഡിവിഡൻറ്​ കുടിശ്ശിക അനുവദിക്കുക തുടങ്ങിയ ആവശ്യങ്ങൾ ഉന്നയിച്ചാണ്​ സമരം നടത്തിയത്. ജില്ല പ്രസിഡൻറ്​ കെ. രവീന്ദ്രൻ അധ്യക്ഷത വഹിച്ചു. സംസ്ഥാന സെക്രട്ടറി എൻ.സി. സുമോദ്, എച്ച്.എം.എസ് നേതാവ് എൻ. ലക്ഷ്​മണൻ, കാഞ്ചന മാച്ചോരി, കെ.പി. സലീം, കെ. ചിത്രാംഗദൻ തുടങ്ങിയവർ സംസാരിച്ചു. ജില്ല സെക്രട്ടറി വി.എൻ. അഷറഫ് സ്വാഗതവും കാരിച്ചി ശശീന്ദ്രൻ നന്ദിയും പറഞ്ഞു.പടം.....സന്ദീപ്​.