എള്ളുകൃഷിയിൽ തിളങ്ങാൻ തില്ലങ്കേരി

എള്ളുകൃഷിയിൽ തിളങ്ങാൻ തില്ലങ്കേരിപടം:തില്ലങ്കേരിയിൽ എള്ളുകൃഷിക്ക് നിലമൊരുക്കുന്നു ഇരിട്ടി: കരനെൽ കൃഷിക്കൊപ്പം വീണ്ടും എള്ളുകൃഷിയിൽ വിജയഗാഥ രചിക്കാനൊരുങ്ങി തില്ലങ്കേരി ഗ്രാമപഞ്ചായത്ത്. സംസ്ഥാന സർക്കാറിന്‍റെ ഭക്ഷ്യസുരക്ഷ പദ്ധതിയുടെ ഭാഗമായാണ് എള്ളുകൃഷി ചെയ്യുന്നത്. തൊഴിലുറപ്പ് പദ്ധതിയിലാണ്​ നിലം ഒരുക്കുന്നത്. വാഴക്കാൽ കൈരളി സ്വയം സഹായക സംഘം പാട്ടത്തിനെടുത്ത ഒന്നര ഏക്കർ സ്ഥലത്താണ് എള്ളുകൃഷി നടത്തുന്നത്​. നിലമൊരുക്കൽ മുൻ ഗ്രാമപഞ്ചായത്തംഗം യു.സി. നാരായണൻ ഉദ്ഘാടനം ചെയ്തു. പി.വി. ദിവാകരൻ, പി.വി. ജനാർദനൻ, തൊഴിലുറപ്പ് മേറ്റ് നിഷ തുടങ്ങിയവർ സംബന്ധിച്ചു.