ക്ലാസ്​ മുടങ്ങിയിട്ട്​ രണ്ടാഴ്​ച: പ്രതിഷേധവുമായി രക്ഷിതാക്കൾ സ്​കൂളിൽ

ക്ലാസ്​ മുടങ്ങിയിട്ട്​ രണ്ടാഴ്​ച: പ്രതിഷേധവുമായി രക്ഷിതാക്കൾ സ്​കൂളിൽതളിപ്പറമ്പ്: തളിപ്പറമ്പ് ചിന്മയ സ്കൂളിൽ കുട്ടികളുടെ ക്ലാസുകൾ മുടങ്ങിയിട്ട് 15 ദിവസം കഴിഞ്ഞതോടെ പ്രതിഷേധവുമായി രക്ഷിതാക്കൾ സ്കൂളിലെത്തി. മാനേജ്മൻെറ്​ ശമ്പളം കുറച്ചതോടെ അനിശ്ചിതകാലസമരവുമായി അധ്യാപകർ മുന്നോട്ടുവന്നതോടെയാണ്​ ക്ലാസുകൾ മുടങ്ങിയത്​. പൊലീസി​ൻെറ സാന്നിധ്യത്തിൽ നടന്ന ചർച്ചക്കൊടുവിൽ എത്രയുംപെട്ടെന്ന് സമരത്തിലുള്ള അധ്യാപകരുമായി ചർച്ച നടത്തി തീരുമാനമാക്കുമെന്ന് സ്കൂൾ പ്രിൻസിപ്പൽ അറിയിച്ചു. തീരുമാനമായില്ലെങ്കിൽ ടി.സി വാങ്ങുന്ന നടപടിയിലേക്ക് പോകുമെന്ന് രക്ഷിതാക്കൾ മുന്നറിയിപ്പുനൽകി.ചർച്ച നടത്താൻ മാനേജ്മൻെറ്​ തയാറാകാത്തതോടെയാണ്​ അധ്യാപകരുടെ സമരം നീണ്ടുപോയത്​. എന്നാൽ, ഫീസ് അടച്ചിട്ടും കുട്ടികളുടെ പഠനം മുടങ്ങിയതോടെയാണ് രക്ഷിതാക്കൾ രംഗത്തെത്തിയത്. മാനേജ്മൻെറ്​ പല വിഷയങ്ങളും അംഗീകരിക്കാൻ തയാറാവാതിരുന്നതോടെ രക്ഷിതാക്കൾ സ്കൂളിലേക്ക് തള്ളിക്കയറി. പൊലീസി​ൻെറ സാന്നിധ്യത്തിൽ നടത്തിയ ചർച്ചക്കൊടുവിൽ എത്രയുംപെട്ടെന്ന് പരിഹാരം കാണാമെന്ന ഉറപ്പിലാണ് രക്ഷിതാക്കൾ മടങ്ങിയത്. മാനേജ്മൻെറ് അടിയന്തരമായി പ്രശ്നം പരിഹരിച്ചില്ലെങ്കിൽ കൂടുതൽ പ്രക്ഷോഭങ്ങളിലേക്ക് രക്ഷിതാക്കൾ പോകുമെന്നും അറിയിച്ചു.