ജിഷ്​ണുവി​െൻറ ഒാൾ എ പ്ലസിന്​ മധുരമേറെ...

ജിഷ്​ണുവി​ൻെറ ഒാൾ എ പ്ലസിന്​ മധുരമേറെ...JISHNU A PLUS STORY ജിഷ്​ണുപേശികളെയും നാഡികളെയും തളർത്തുന്ന ഡ്യൂഷിൻ മസ്​കുലർ ഡിസ്ട്രോഫി (ഡി.എം.ഡി)യോട്​ പൊരുതിയാണ് പ്ലസ് ടു ഹ്യുമാനിറ്റീസിൽ മുഴുവൻ വിഷയങ്ങളിലും എ പ്ലസ് നേടിയത് തലശ്ശേരി: ചുണ്ടങ്ങാപ്പൊയിൽ ഗവ. ഹയർസെക്കൻഡറി സ്​കൂളിലെ ഒ. ജിഷ്​ണു വീൽചെയറിലായിരുന്നു സ്​കൂളിൽ എത്തിയിരുന്നത്​. അതിനാൽതന്നെ വെല്ലുവിളികളെ അതിജീവിച്ച് ജിഷ്​ണു മുഴുവൻ വിഷയത്തിലും സ്വന്തമാക്കിയ എ പ്ലസിന് തിളക്കമേറെയാണ്. പേശികളെയും നാഡികളെയും തളർത്തി പൂർണ വൈകല്യത്തിലേക്ക് നയിക്കുന്ന ഡ്യൂഷിൻ മസ്​കുലർ ഡിസ്ട്രോഫി (ഡി.എം.ഡി) രോഗത്തോട് പൊരുതിയാണ് ജിഷ്​ണു പ്ലസ് ടു ഹ്യുമാനിറ്റീസിൽ ചുണ്ടങ്ങാപ്പൊയിൽ ഗവ. എച്ച്.എസ്.എസിൽനിന്ന്​ മുഴുവൻ വിഷയങ്ങളിലും എ പ്ലസ് നേടിയത്. നിശ്ചയദാർഢ്യത്തി​ൻെറയും കഠിനാധ്വാനത്തി​ൻെറയും ഫലമായിരുന്നു ഇൗ ഒാൾ എ പ്ലസ്​. എൽ.കെ.ജിയിൽ പഠിക്കുമ്പോഴാണ്​ രോഗലക്ഷണങ്ങൾ കണ്ടുതുടങ്ങിയത്. രോഗം ശരീരത്തെ തളർത്തിയെങ്കിലും പഠനകാര്യത്തിൽ ചെറുപ്രായം മുതൽ വാശിയും ഉത്സാഹവുമായിരുന്നു. പരിമിതികളും പോരായ്​മകളും ഉത്സാഹത്തിനുമുന്നിൽ വഴിമാറി. എസ്.എസ്.എൽ.സിക്കും മുഴുവൻ എ പ്ലസ് നേടിയായിരുന്നു വിജയം. സ്വന്തമായി എഴുതാനോ പുസ്​തകം കൈകൊണ്ട് എടുക്കാനോ സാധിക്കില്ല. പ്രത്യേക അനുമതിവാങ്ങി മറ്റൊരു കുട്ടിയുടെ സഹായത്തോടെ പരീക്ഷയെഴുതി. രക്ഷിതാക്കളും അധ്യാപകരും സുഹൃത്തുക്കളും നൽകിയ ആത്മവിശ്വാസവും പ്രോത്സാഹനവും 1200ൽ 1170 മാർക്കോടെ എ പ്ലസ് എന്ന ലക്ഷ്യത്തിലേക്ക് എത്തിച്ചു. മുടപ്പത്തൂർ ശ്രീനാരായണ വിലാസം എൽ.പി സ്​കൂളിലെ അധ്യാപകൻ ഡയമണ്ട്​മുക്കിലെ ഒ.പി. സോമനാഥ​ൻെറയും മുഴിക്കര മാപ്പിള എൽ.പി സ്​കൂൾ അധ്യാപിക ഇ.കെ. സോനയുടെയും മകനാണ് ഇൗ മിടുക്കൻ.ചരിത്രമോ സാമ്പത്തികശാസ്​ത്രമോ ഡിഗ്രി വിഷയമായെടുത്ത്​ ഉപരിപഠനം നടത്തി സിവിൽ സർവിസ്​ നേടണമെന്നാണ്​ ജിഷ്​ണുവി​ൻെറ ലക്ഷ്യം.