ഭൂമി വിവാദം: സി.പി.എം മാർച്ച്

ശ്രീകണ്ഠപുരം: ചുഴലി വില്ലേജ് പരിധിയിലെ സർക്കാർ-ദേവസ്വം ഭൂമി കൈയേറ്റം തടയുക, കൈയേറ്റത്തിന് കൂട്ടുനിൽക്കുന്ന ഉദ്യോഗസ്ഥർക്കെതിരെ നടപടിയെടുക്കുക, ഭൂമി അനുവദിച്ച് പട്ടയം നൽകിയവർക്കെല്ലാം ഭൂമി അളന്നുനൽകുക തുടങ്ങി വിവിധ ആവശ്യങ്ങളുന്നയിച്ച് സി.പി.എം ചുഴലി ലോക്കൽ കമ്മിറ്റി നേതൃത്വത്തിൽ ചുഴലി വില്ലേജ്​ ഓഫിസിലേക്ക് മാർച്ച് നടത്തി. സി.പി.എം ഏരിയ സെക്രട്ടറി എം. വേലായുധൻ ഉദ്ഘാടനം ചെയ്തു. ബ്ലോക്ക് പഞ്ചായത്ത്​ അംഗം എൻ. നാരായണൻ അധ്യക്ഷത വഹിച്ചു. ലോക്കൽ സെക്രട്ടറി പി. പ്രകാശൻ, ഇ. ജനാർദനൻ, പി.പി.വി. പ്രഭാകരൻ, ചെങ്ങളായി പഞ്ചായത്ത്​ അംഗം എം.എം. പ്രജോഷ്, കെ. ശിവദാസൻ എന്നിവർ സംസാരിച്ചു.