കെ.എസ്.ടി.യു നിൽപുസമരം

കെ.എസ്.ടി.യു നിൽപുസമരം (പടം)തലശ്ശേരി: വിവിധ ആവശ്യങ്ങളുന്നയിച്ച് കെ.എസ്.ടി.യു പ്രവർത്തകർ തലശ്ശേരി ഡി.ഇ.ഒ ഓഫിസിന് മുന്നിൽ നിൽപുസമരം നടത്തി. ഓൺലൈൻ പഠനോപകരണങ്ങളും ഡാറ്റയും സർക്കാർ നൽകുക, കോവിഡ് ഡ്യൂട്ടിയിൽനിന്ന് അധ്യാപകരെ ഒഴിവാക്കുക, മുഴുവൻ അധ്യാപകർക്കും നിയമനാംഗീകാരവും ശമ്പളവും നൽകുക തുടങ്ങിയ ആവശ്യങ്ങളുന്നയിച്ചാണ് സമരം. കെ.എസ്.ടി.യു സംസ്ഥാന ട്രഷറർ ബഷീർ ചെറിയാണ്ടി ഉദ്ഘാടനം ചെയ്തു. സിദ്ദീഖ് കൂടത്തിൽ അധ്യക്ഷത വഹിച്ചു. മുസ്​ലിം ലീഗ് മണ്ഡലം ജനറൽ സെക്രട്ടറി ഷാനിദ് മേക്കുന്ന് മുഖ്യപ്രഭാഷണം നടത്തി. പി. ഇസ്മായിൽ, ടി.വി. റാഷിദ, എം.പി. അബ്​ദുൽ കരീം, നജീബ് മാളിൽ, കെ. മുഹമ്മദ് ഫാറൂഖ്, റമീസ് പാറാൽ, എ. ഇബ്രാഹിം, കെ. സജീദ് എന്നിവർ സംസാരിച്ചു.