മത്സ്യവിതരണ തൊഴിലാളി നിൽപുസമരം

കണ്ണൂർ: മത്സ്യവിതരണ തൊഴിലാളി ഫെഡറേഷൻ (എസ്.ടി.യു) ജില്ല കമ്മിറ്റി കലക്​ടറേറ്റിന്​ മുന്നിൽ നിൽപുസമരം നടത്തി. എസ്.ടി.യു ദേശീയ വൈസ്​ പ്രസിഡൻറ്​ എം.എ. കരീം ഉദ്​ഘാടനം ചെയ്തു. നിർത്തിയ തണൽ പദ്ധതി പുനരാരംഭിക്കുക, തൊഴിലാളികളുടെ മക്കൾക്ക് ക്ഷേമനിധി വഴി വിദ്യാഭ്യാസ സ്കോളർഷിപ് നൽകുക, തൊഴിൽ സുരക്ഷ ഉറപ്പ് വരുത്തുക തുടങ്ങിയ ആവശ്യങ്ങളുന്നയിച്ചാണ്​​ സമരം. ജില്ല പ്രസിഡൻറ് സാഹിർ പാലക്കൽ അധ്യക്ഷത വഹിച്ചു. എസ്.ടി.യു ജില്ല വൈസ് പ്രസിഡൻറ്​ സി. ഉമ്മർ, ഷാക്കിർ കക്കാട്, കെ.വി. മുസ്തഫ എന്നിവർ സംസാരിച്ചു. ജനറൽ സെക്രട്ടറി കബീർ ബക്കളം സ്വാഗതവും പി.കെ. കമറുദ്ധീൻ നന്ദിയും പറഞ്ഞു. പി.കെ. നിസാർ, ഷാഫി ആയിക്കര, കെ. ആസാദ്, ശംസു കൂത്തുപറമ്പ്, ബി. സിറാജ് എന്നിവർ നേതൃത്വം നൽകി.