വാഹനങ്ങളുടെ കാറ്റഴിച്ചുവിടുന്നതായി പരാതി

വാഹനങ്ങളുടെ കാറ്റഴിച്ചുവിടുന്നതായി പരാതി ഇരിട്ടി: ഇരിട്ടി ടൗണിൽ പഴയ പാലം റോഡിൽ നിർത്തിയിടുന്ന വാഹനങ്ങളുടെ കാറ്റഴിച്ചുവിടുന്നതായി പരാതി. ടൗണിൽ വാഹനങ്ങൾ പാർക്ക് ചെയ്യാൻ ഇടമില്ലാതായതോടെയാണ് ഇരിട്ടി പഴയപാലം ഉൾപ്പെടെയുള്ള റോഡരികിൽ വാഹനങ്ങൾ പാർക്ക് ചെയ്യുന്നത്. ടൗണിലെ കച്ചവടക്കാരുടെയും ജീവനക്കാരുടെയും ഉൾപ്പെടെയുള്ള വാഹനങ്ങളാണ് ഇവിടെ നിർത്തിയിടുന്നത്.വെള്ളിയാഴ്ച വൈകീട്ടോടെ നിർത്തിയിട്ട വാഹനങ്ങൾ ഉടമകൾ തിരിച്ചെത്തി എടുക്കുമ്പോഴാണ് ടയറുകളിലെ കാറ്റുകൾ അഴിച്ചനിലയിൽ കണ്ടത്. എല്ലാ വാഹനത്തി​ൻെറയും നാല് ടയറുകളുടെയും കാറ്റുകൾ അഴിച്ചുവിട്ടിട്ടുണ്ട്. ഇരിട്ടി പൊലീസ് സ്ഥലത്തെത്തി അന്വേഷണം ആരംഭിച്ചു.