തെരുവുനായ്​ ശല്യം രൂക്ഷം; വന്ധ്യംകരണം പുനരാരംഭിക്കുന്നു

കണ്ണൂർ: തെരുവുനായ്​ ശല്യം രൂക്ഷമായ സാഹചര്യത്തിൽ വന്ധ്യംകരണം ജില്ലയിൽ പുനരാരംഭിക്കുന്നു. കഴിഞ്ഞ ഒരാഴ്​ചക്കുള്ളിൽ നിരവധി പേരെയാണ്​ തെരുവുനായ്​ കടിച്ചത്​. നായ്​ക്കളുടെ കടിയേറ്റ്​ ആശുപത്രികളിൽ ചികിത്സ തേടുന്നവരുടെ എണ്ണം വർധിക്കുകയാണ്​. ഈ സാഹചര്യത്തിലാണ്​ ജില്ല പഞ്ചായത്തി​ൻെറ ആനിമൽ ബർത്ത്​ കൺട്രോൾ (എ.ബി.സി) പദ്ധതി പ്രകാരം വന്ധ്യംകരണം തുടങ്ങുന്നത്​. കോവിഡിനെ തുടർന്ന്​ ആറുമാസങ്ങൾക്ക്​ മുമ്പാണ്​ ജില്ലയിൽ വന്ധ്യംകരണം നിർത്തിയത്​. തെരഞ്ഞെടുപ്പ്​ പ്രഖ്യാപിച്ച സാഹചര്യത്തിൽ പുതിയ നിയമനം നടത്താനാവാത്തതും പദ്ധതി പുനരാരംഭിക്കാൻ വൈകുന്നതിന്​ കാരണമായി. ഡോക്​ടർ, ഡ്രൈവർ, നായ്​ക്കളെ പിടിക്കുന്നവർ, ശുചീകരണ തൊഴിലാളികൾ എന്നിവരടങ്ങുന്ന ജീവനക്കാരെയാണ്​ പദ്ധതിക്കായി നിയമിക്കാനുള്ളത്​. നിയമനത്തിനായുള്ള കൂടിക്കാഴ്​ച അടുത്തദിവസം നടത്തും. തെരുവുനായ്​ ശല്യം രൂക്ഷമായ സ്ഥലങ്ങളിൽനിന്ന്​ നായ്ക്കളെ പിടികൂടി പാപ്പിനിശ്ശേരിയിലെ കേന്ദ്രത്തിലെത്തിച്ചാണ്​ വന്ധ്യംകരണം നടത്തുക. ശേഷം നായ്​ക്കളെ പിടികൂടിയ സ്ഥലത്തുതന്നെ ​െകാണ്ടുവിടും. മനുഷ്യരെ ആക്രമിച്ചതിനെ തുടർന്ന്,​ പേ ബാധിച്ചതെന്ന്​ സംശയിക്കുന്ന നായ്​ക്കളെ കഴിഞ്ഞദിവസം പാനൂർ മേഖലയിൽനിന്ന്​ കൊന്നിരുന്നു. നായ്​, പൂച്ച അടക്കമുള്ള വളർത്തുമൃഗങ്ങൾക്ക്​ ​ആൻറി റാബിസ്​ വാക്​സിൻ എടുക്കണമെന്നാണ്​ ജില്ല മൃഗസംരക്ഷണ വകുപ്പി​ൻെറ നിർദേശം. 27 പേരാണ്​ ഞായറാഴ്​ച തലശ്ശേരി ജനറൽ ആശുപത്രിയിൽ ചികിത്സ തേടിയത്​. ശനിയാഴ്​ച പാനൂർ ചമ്പാട്​ ഭാഗത്തും പേപ്പട്ടിയുടെ ആക്രമണമുണ്ടായിരുന്നു. വകുപ്പ്​ സെക്രട്ടറിയുടെ നിർദേശ പ്രകാരം ജില്ല മൃഗസംരക്ഷണ ഓഫിസർ ഡോ. ഗിരീഷ്​ ബാബു തലശ്ശേരിയിലെത്തി നടപടികൾ സ്വീകരിച്ചു.