എടൂർ-പാലത്തിൻകടവ് റോഡ് ഉടൻ യാഥാർഥ്യമാകും

എടൂർ-പാലത്തിൻകടവ് റോഡ് ഉടൻ യാഥാർഥ്യമാകും ഇരിട്ടി: 135 കോടിയുടെ നവീകരണം നടക്കുന്ന എടൂർ -ആനപ്പന്തി -പാലത്തിൻകടവ് റോഡ് പ്രവൃത്തിയുടെ അവലോകന യോഗം ചേർന്നു. സണ്ണി ജോസഫ് എം.എൽ.എയുടെ അധ്യക്ഷതയിൽ ചേർന്ന യോഗത്തിൽ കെ.എസ്.ടി.പി ഉന്നത ഉദ്യോഗസ്ഥരും ജനപ്രതിനിധികളും പങ്കെടുത്തു. റീബിൽഡ് കേരളയിൽ ഉൾപ്പെടുത്തിയാണ് എടൂർ -കമ്പനിനിരത്ത് -ആനപ്പന്തി -ചരൾ -കച്ചേരിക്കടവ് -പാലത്തിൻകടവ് 24 കിലോമീറ്റർ റോഡ് നവീകരിക്കുന്നത്. ഭൂമി ഏറ്റെടുക്കൽ, കയറ്റം കുറക്കൽ, കലുങ്ക് നിർമാണം എന്നിവ യോഗത്തിൽ ചർച്ച ചെയ്തു. ബാരാപ്പോൾ മിനി ജലവൈദ്യുതി പദ്ധതിയിൽനിന്ന്​ ഭൂഗർഭ കേബിളുകൾ നിർമാണഘട്ടത്തിൽ സംരക്ഷിക്കാൻ കെ.എസ്.ഇ.ബി ഉദ്യോഗസ്ഥരുമായി ചർച്ച ചെയ്യാനും യോഗത്തിൽ തീരുമാനമായി. എം.എൽ.എക്ക് പുറമേ കെ.എസ്.ടി.പി എക്സിക്യൂട്ടിവ് എൻജിനീയർ ഷാജി തയ്യിൽ, അസി. എൻജിനീയർ കെ.വി. സതീശൻ, അയ്യങ്കുന്ന് പഞ്ചായത്ത് പ്രസിഡൻറ്​ കുര്യാച്ചൻ പൈമ്പള്ളി കുന്നേൽ എന്നിവർ പങ്കെടുത്തു. നിർദിഷ്​ട കാലയളവിനുള്ളിൽ പ്രവൃത്തി പൂർത്തീകരിക്കാൻ കരാറുകാർക്ക് യോഗത്തിൽ നിർദേശം നൽകി.