ദേശീയപാതയിൽ അപകടക്കെണി

ദേശീയപാതയിൽ അപകടക്കെണി പടം.......tly court tree.jpg തലശ്ശേരി ജില്ല കോടതിക്ക് സമീപം അപകടത്തിലായ മരം ജില്ല കോടതിക്ക് സമീപം റോഡരികിൽ പാതിമുറിഞ്ഞ പുളിമരത്തി​ൻെറ ശിഖരം ഭീഷണിയായിതലശ്ശേരി: വാഹനങ്ങൾ ഇടിച്ച് തേയ്മാനം വന്ന മരത്തി​ൻെറ ശിഖരം ദേശീയപാതയിൽ അപകടഭീഷണി ഉയർത്തുന്നു.തലശ്ശേരി ജില്ല കോടതിക്ക് സമീപത്താണ് റോഡരികിൽ പാതിമുറിഞ്ഞ പുളിമരത്തി​ൻെറ ശിഖരം ഭീഷണിയായിട്ടുള്ളത്. ഏത് സമയവും പൊട്ടിവീഴാൻ പാകത്തിലാണ് ഇതി​ൻെറ കിടപ്പ്. പൊതുവെ വീതികുറഞ്ഞ ഈ ഭാഗത്തുകൂടി വശംചേർന്ന് പോകുന്ന ചരക്കുലോറികൾ തട്ടിയാണ് മരത്തടി അപകടാവസ്ഥയിലായത്. ആദ്യം ശിഖരത്തി​ൻെറ തോൽ അടർന്നു. ഇപ്പോൾ ശാഖയുടെ തടിതന്നെ ഏതാണ്ട് പാതിയോളം തേഞ്ഞുതീർന്നുകഴിഞ്ഞു. വാഹനങ്ങൾ തട്ടിയോ മഴക്കാറ്റിലോ മരം തന്നെ മുറിഞ്ഞുവീഴുമെന്ന നിലയിലാണ്. കടയ്ക്കലെ മണ്ണ് ഒലിച്ചുപോയതിനാൽ മരത്തി​ൻെറ വേരുകൾ പുറത്താണുള്ളത്. മഴ കനത്താൽ മരം കടപുഴകുമെന്ന ഭീതിയും പരിസരവാസികൾക്കുണ്ട്. വഴിയാത്രക്കാർക്കും വാഹനങ്ങൾക്കും പേടിസ്വപ്നമായി മാറുകയാണ് ഈ മരം.