ഒഴിയാതെ മലിനജലം; നോക്കുകുത്തിയായി കക്കാട്​ നീന്തൽക്കുളം

ഒഴിയാതെ മലിനജലം; നോക്കുകുത്തിയായി കക്കാട്​ നീന്തൽക്കുളം photo: swimming pool knr കക്കാട്​ നീന്തൽക്കുളം ഉപയോഗിക്കാതെ പുല്ലുകയറിയ നിലയിൽ കുളവും പരിസരവും കന്നുകാലികളും തെരുവുനായ്​ക്കളും ​കൈയടക്കികണ്ണൂർ: കക്കാട് പുഴയോരത്ത് അരക്കോടി രൂപ ചെലവിൽ നിർമിച്ച നീന്തൽക്കുളം ഉപ​േയാഗിക്കാനാവാത്ത അവസ്ഥയിൽ.നീന്തൽ പരിശീലനത്തിനായി അത്യാധുനിക രീതിയിൽ നിർമിച്ച കുളം പുഴയിൽനിന്ന്​ മലിനജലം കയറുന്നതിനാൽ നോക്കുകുത്തിയാവുകയാണ്​. കഴിഞ്ഞ രണ്ട് പ്രളയങ്ങളിലും മലിനജലം കയറിയതിനാൽ കുളത്തിലെ യന്ത്രസാമഗ്രികൾക്കടക്കം തകരാറ്​ സംഭവിച്ചിരുന്നു. തുടർന്ന്​ തകരാറിലായ യന്ത്രഭാഗങ്ങൾ നന്നാക്കി. പുതിയ വെള്ളം നിറക്കാൻ വാട്ടർ അതോറിറ്റിക്ക്​ അപേക്ഷ നൽകിയിരു​ന്നെങ്കിലും കോവിഡ്​ കാരണം നീന്തൽകുളങ്ങൾ അടച്ചതോടെ നീണ്ടുപോവുകയായിരുന്നു. വെള്ളത്തിന് ഗുണനിലവാരമില്ലാത്തതിനാൽ കുളം നീന്തൽ മത്സരങ്ങൾ അടക്കമുള്ള ഔദ്യോഗിക ആവശ്യങ്ങൾക്ക് ഉപയോഗിച്ചിരുന്നില്ല. പുഴയിൽ നിന്നും ഏറ്റവും കൂടുതൽ മലിനജലം കയറുന്നിടത്ത് നീന്തൽക്കുളം ഒരുക്കുന്നതിൽ അപാകതയുണ്ടെന്നാരോപിച്ച്​ നേരത്തെ പരിസ്ഥിതി പ്രവർത്തകരും കായികപ്രേമികളും രംഗത്തെത്തിയിരുന്നു. ആളുകൾ എത്താതായതോടെ കുളവും പരിസരവും കന്നുകാലികളും തെരുവുനായ്​ക്കളും ​കൈയടക്കിയ നിലയിലാണ്​. ലക്ഷങ്ങൾ ചെലവഴിച്ച്​ ഒരുക്കിയ നിലവും മറ്റും കന്നുകാലികൾ ചവിട്ടി നശിപ്പിച്ചിട്ടുണ്ട്​. ഇവ കയറാതിരിക്കാൻ ആവശ്യമായ സുരക്ഷാക്രമീകരണങ്ങളും ഇവിടെയില്ല. അതേസമയം മുണ്ടയാട്​ ഇൻഡോർ സ്​റ്റേഡിയ​ത്തോട്​ ചേർന്ന്​ പുതിയ നീന്തൽക്കുളവും കബഡി ​േകാർട്ടും അടക്കമുള്ള നിർമാണ പ്രവർത്തനങ്ങൾക്ക്​ ഫണ്ട്​ അനുവദിച്ചിട്ടുണ്ട്​. അത്യാധുനിക സൗകര്യങ്ങളോടെ 50 മീറ്റർ നീന്തൽക്കുളമാണ്​ നിർമിക്കുക. അശാസ്ത്രീയമായി കക്കാട്​ പുഴയോരത്ത്​ നിർമിച്ച നീന്തൽക്കുളം മുണ്ടയാട്​ പുതിയകുളം വരുന്നതോടെ സ്​പോർട്​സ്​ കൗൺസിൽ ഉപേക്ഷിക്കുമെന്നും ആരോപണമുണ്ട്​. അതേസമയം, കക്കാട്​ നീന്തൽക്കുളം നവീകരിക്കാനായി ഫണ്ട്​ ഉടൻ ലഭ്യമാകുമെന്നാണ്​ പ്രതീക്ഷയെന്നും കുളം പൂർണമായും ഉപയോഗയോഗ്യമാക്കുമെന്നും സ്​പോർട്​സ്​ കൗൺസിൽ ജില്ല പ്രസിഡൻറ്​ കെ.കെ. പവിത്രൻ 'മാധ്യമ'ത്തോട്​ പറഞ്ഞു.