ഇരിട്ടി ബ്ലോക്ക് പഞ്ചായത്ത്‌ ഓഫിസ്​ വെള്ളത്തിൽ

ഇരിട്ടി ബ്ലോക്ക് പഞ്ചായത്ത്‌ ഓഫിസ്​ വെള്ളത്തിൽ പടം: irt block office vellam വെള്ളം കയറിയ ഇരിട്ടി ബ്ലോക്ക് പഞ്ചായത്ത്‌ ഓഫിസ്ഇരിട്ടി: കനത്ത മഴയിൽ ഇരിട്ടി പയഞ്ചേരിമുക്കിലുള്ള ബ്ലോക്ക് പഞ്ചായത്ത് ഓഫിസിൽ വെള്ളം കയറി. കഴിഞ്ഞവർഷംവരെ മഴപെയ്താൽ ഇരിട്ടി-പേരാവൂർ റോഡിൽ വെള്ളം കയറുകയും ബ്ലോക്ക് ഓഫിസും പരിസരവും വെള്ളത്തിലാവുകയും ചെയ്യുന്നത് സ്ഥിരം കാഴ്ചയായിരുന്നു. ഇതേ തുടർന്ന് റോഡ് ഉയർത്തി ഒാവുചാൽ നിർമിച്ചിരുന്നു. ചൊവ്വാഴ്ച പെയ്ത മഴയിൽ കീഴൂർ ഭാഗത്തുനിന്ന്​ ഒഴുകിയെത്തി ഒാവുചാൽ വഴി ഇരിട്ടി പുഴയിലേക്ക് ഒഴുകുന്ന വെള്ളമാണ് ബ്ലോക്ക് പഞ്ചായത്ത് ഓഫിസിൽ കയറിയത്.ഒാവുചാൽ നിർമാണത്തിലെ അപാകതയാണ് വീണ്ടും വെള്ളം കയറാൻ ഇടയായതെന്ന് നാട്ടുകാർ പറയുന്നു. മഴ കൂടുതൽ കനക്കുന്നതോടെ സമീപത്തെ കച്ചവടസ്ഥാപനങ്ങളിൽ ഉൾപ്പെടെ വെള്ളം കയറുമെന്ന ആശങ്കയുമുണ്ട്.