കോണ്‍ക്രീറ്റ് വല്ലത്തില്‍ കുടുങ്ങിയ പശുവിനെ രക്ഷപ്പെടുത്തി

കോണ്‍ക്രീറ്റ് വല്ലത്തില്‍ കുടുങ്ങിയ പശുവിനെ രക്ഷപ്പെടുത്തിപെരിങ്ങോം: പുല്ലുതിന്നുന്നതിനിടെ തൊഴുത്തിലെ കോണ്‍ക്രീറ്റ് വല്ലത്തില്‍ അകപ്പെട്ട പശുവിനെ രക്ഷപ്പെടുത്തി. കാങ്കോല്‍ ആലപ്പടമ്പ വടശ്ശേരി മുക്കിലെ കെ. പ്രഭാകരന്‍റെ പശുവാണ് വല്ലത്തില്‍ അകപ്പെട്ടത്. പശുവിനെ പുറത്തെത്തിക്കാനുള്ള വീട്ടുകാരുടെ ശ്രമം പരാജയപ്പെട്ടതോടെ പെരിങ്ങോം ഫയര്‍ ആൻഡ് റെസ്‌ക്യൂ സ്​റ്റേഷനില്‍ വിവരമറിയിക്കുകയായിരുന്നു. സ്​റ്റേഷന്‍ ഓഫിസര്‍ സി.പി. രാജേഷിന്‍റെ നേതൃത്വത്തിലെത്തിയ സംഘം ഏറെ നേരത്തെ ശ്രമത്തിനൊടുവില്‍ വല്ലത്തിന്‍റെ ഒരു ഭാഗം പൊളിച്ചുനീക്കി പശുവിനെ രക്ഷപ്പെടുത്തുകയായിരുന്നു. അസി. സ്​റ്റേഷന്‍ ഓഫിസര്‍ സി.പി. ഗോകുല്‍ദാസ്, സേനാംഗങ്ങളായ ടി.കെ. സുനില്‍കുമാര്‍, കെ.കെ.വി. ഗണേശന്‍, പി.കെ. അജിത്ത് കുമാര്‍, ഐ. ഷാജീവ്, യു. വിനീഷ്, അരുണ്‍ കെ. നമ്പ്യാര്‍, ജെ. ജഗന്‍, ജോജ് ജോസഫ്, പി.എം. മജീദ് എന്നിവരും രക്ഷാപ്രവര്‍ത്തനത്തില്‍ പങ്കെടുത്തു.