ഗാര്‍ഹിക പീഡനക്കേസില്‍ യുവാവ് അറസ്​റ്റില്‍

ചെറുപുഴ: കുടുംബവഴക്കിനിടെ ഭാര്യയെയും ഭാര്യയുടെ മാതാപിതാക്കളെയും പരിക്കേല്‍പിച്ച സംഭവത്തില്‍ പ്രതി അറസ്​റ്റിൽ. പ്രാപ്പൊയില്‍ കുളത്തുവായിലെ എന്‍.കെ. ലിജീഷിനെയാണ്​ (38) ചെറുപുഴ പൊലീസ് അറസ്​റ്റ്​ ചെയ്​തത്. കുടുംബവഴക്കിനിടെ ഭാര്യ ഷൈമ (34), ഷൈമയുടെ മാതാപിതാക്കളായ വയലപ്ര വീട്ടില്‍ ഒതേനന്‍ (65), രുഗ്മിണി (61) എന്നിവരെ ആക്രമിച്ച്​ പരിക്കേല്‍പിച്ച സംഭവത്തിലാണ് നടപടി. കഴിഞ്ഞ ഏഴിന്​ രാത്രിയായിരുന്നു അതിക്രമം. യുവാവിനെതിരെ നരഹത്യക്കും ഗാര്‍ഹിക പീഡനത്തിനും കേസെടുത്താണ് അറസ്​റ്റ്​ ചെയ്​തത്.