ആയുർവേദ കോളജിൽ അധ്യാപക ഒഴിവ്

പയ്യന്നൂർ: കണ്ണൂർ ഗവ. ആയുർവേദ കോളജിലെ സംഹിത സംസ്കൃത സിദ്ധാന്ത വിഭാഗത്തിൽ ഒഴിവുള്ള അധ്യാപക തസ്തികയിലേക്ക് കരാറടിസ്ഥാനത്തിൽ നിയമിക്കുന്നു. ബന്ധപ്പെട്ട വിഷയത്തിൽ ബിരുദാനന്തര ബിരുദമാണ് യോഗ്യത. പ്രവൃത്തിപരിചയമുള്ളവർക്ക് മുൻഗണന ലഭിക്കും. ഉദ്യോഗാർഥികൾ ജനനത്തീയതി, വിദ്യാഭ്യാസ യോഗ്യത, പ്രവൃത്തിപരിചയം എന്നിവ തെളിയിക്കുന്ന അസ്സൽ സർട്ടിഫിക്കറ്റുകളും അവയുടെ കോപ്പിയും ആധാർ കാർഡ്, പാൻ കാർഡ് എന്നിവയുടെ പകർപ്പുകളും സഹിതം കണ്ണൂർ ഗവ. ആയുർവേദ കോളജിലെ പരിയാരത്തുള്ള പ്രിൻസിപ്പലി​ൻെറ കാര്യാലയത്തിൽ ഈ മാസം 15ന് രാവിലെ 11ന്​ വാക്​ ഇൻ ഇൻറർവ്യൂവിന് നേരിട്ട് ഹാജരാകണമെന്ന് പ്രിൻസിപ്പൽ അറിയിച്ചു.