ജില്ല ആശുപത്രിയിൽ രോഗിയുടെ അതിക്രമം; ആശുപത്രി ജീവനക്കാരനും പൊലീസുകാർക്കും​ പരിക്ക്

ജില്ല ആശുപത്രിയിൽ രോഗിയുടെ അതിക്രമം; ആശുപത്രി ജീവനക്കാരനും പൊലീസുകാർക്കും​ പരിക്ക്​ആശുപത്രി ഉപകരണങ്ങൾ നശിപ്പിച്ചുകണ്ണൂർ: വാഹനാപകടത്തിൽ പരിക്കേറ്റതിനെ തുടർന്ന്​ കണ്ണൂർ ജില്ല ആശുപത്രിയിൽ പ്രവേശിപ്പിച്ച യുവാവി​ൻെറ അക്രമത്തി​ൽ പൊലീസ്​ ഉദ്യോഗസ്ഥർക്കും ആശുപത്രി ജീവനക്കാരനും പരിക്ക്​. കണ്ണൂർ സിറ്റി എസ്​.ഐ ബാബുജോൺ, സീനിയർ സി.പി.ഒ സ്​നേഹേഷ്​, ആശുപത്രി ഡാറ്റ എൻട്രി ഓപറേറ്റർ ആദിഷ്​ എന്നിവർക്കാണ്​ പരിക്കേറ്റത്​. സംഭവത്തിൽ നീർച്ചാൽ സ്വദേശി ജംഷീറിനെതിരെ പൊലീസ്​ കേസെടുത്തു. തിങ്കളാഴ്​ച പുലർച്ച മരക്കാർകണ്ടിയിൽ നടന്ന വാഹനാപകടത്തിൽ പരിക്കേറ്റതിനെ തുടർന്നാണ്​ ജംഷീറിനെ അബോധാവസ്ഥയിൽ ആശുപത്രിയിൽ പ്രവേശിപ്പിച്ചത്​. പ്രാഥമിക ചികിത്സ ലഭിച്ചശേഷം ഉണർന്ന ഇയാൾ ആശുപത്രി ജീവനക്കാരുടെ നിർദേശം വകവെക്കാതെ ഇറങ്ങിപ്പോയി. സുഹൃത്തുക്കൾക്കൊപ്പം തിരിച്ചെത്തിയ ജംഷീർ ആദിഷിനെയും പൊലീസ്​ ഉദ്യോഗസ്ഥരെയും കൈയേറ്റം ചെയ്യുകയായിരുന്നു. അത്യാഹിത വിഭാഗത്തിലെ കൗണ്ടർ, കസേരകൾ എന്നിവ അടിച്ചുതകർക്കുകയും ഉപകരണങ്ങൾ എടുത്തെറിയുകയും ചെയ്​തു. സംഭവശേഷം ഇയാളെ സുഹൃത്തുക്കൾ കാറിൽ കയറ്റി കൊണ്ടുപോവുകയായിരുന്നു. പൊലീസി​ൻെറ ഔദ്യോഗിക കൃത്യനിർവഹണം തടസ്സപ്പെടുത്തിയതിനും ഇയാൾക്കെതിരെ കേസെടുത്തിട്ടുണ്ട്​. വാഹനാപകടത്തിൽ തലക്കും മറ്റും പരിക്കേറ്റതിനാൽ ​ ഇയാൾ നിലവിൽ കണ്ണൂരിലെ സ്വകാര്യ ആശുപത്രിയിൽ ചികിത്സയിലാണ്​. ---–––––––കെ.ജി.എം.ഒ.എ അപലപിച്ചുകണ്ണൂർ: കണ്ണൂർ ജില്ല ആശുപത്രിയിൽ ആരോഗ്യപ്രവർത്തകർക്കുനേരെ യുവാവ്​ നടത്തിയ അക്രമത്തിൽ കെ.ജി.എം.ഒ.എ പ്രതിഷേധിച്ചു. തുടർച്ചയായി ആരോഗ്യപ്രവർത്തകർക്ക്​ നേരെയുണ്ടാകുന്ന അക്രമങ്ങളിൽ പ്രതികൾക്ക്​ ശിക്ഷ ലഭിക്കാൻ കാലതാമസമുണ്ടാകുന്നത്​ തെറ്റായ സന്ദേശം നൽകുന്നുണ്ട്​. ആശുപത്രികളെ പ്രത്യേക സംരക്ഷിത മേഖലയായി പ്രഖ്യാപിക്കണമെന്നും ആരോഗ്യപ്രവർത്തകർക്ക്​ സുരക്ഷിതമായി ജോലി ചെയ്യാനുള്ള സാഹചര്യമൊരുക്കണമെന്നും കുറ്റക്കാർക്കെതിരെ കർശന നടപടിയെടുക്കണമെന്നും​ കെ.ജി.എം.ഒ.എ ജില്ല കമ്മിറ്റി ആവശ്യപ്പെട്ടു.