അന്തർസംസ്ഥാന പാതയിൽ കിളിയന്തറയിൽ വീണ്ടും വിള്ളൽ

അന്തർസംസ്ഥാന പാതയിൽ കിളിയന്തറയിൽ വീണ്ടും വിള്ളൽ പടം: irt road കിളിയന്തറയിൽ തകർന്ന റോഡ്അശാസ്ത്രീയ നിര്‍മാണമെന്ന്​ നാട്ടുകാർഇരിട്ടി: തലശ്ശേരി -വളവുപാറ കെ.എസ്.ടി.പി റോഡ് നിര്‍മാണത്തിനിടെ കിളിയന്തറയില്‍ മണ്ണിടിഞ്ഞ ഭാഗം പുനര്‍നിര്‍മിച്ചുവെങ്കിലും അന്തർസംസ്ഥാന പാതയിൽ വീണ്ടും റോഡില്‍ വിള്ളല്‍ വീണത് ആശങ്കയുയർത്തുന്നു. മാസങ്ങള്‍ നീണ്ട പുനര്‍നിര്‍മാണം പൂര്‍ത്തിയായെങ്കിലും ദിവസങ്ങള്‍ക്കു മുമ്പ്​ ഇതേഭാഗത്ത് വീണ്ടും വിള്ളല്‍ രൂപപ്പെട്ടത് നിർമാണത്തിലെ അപാകതയാണെന്ന വാദവുമായി പ്രദേശവാസികള്‍ രംഗ​െത്തത്തി. വിള്ളല്‍ രൂപപ്പെട്ടതോടെ കരാര്‍തൊഴിലാളികള്‍ വീപ്പകള്‍ നിരത്തി റോഡില്‍ ഗതാഗതം നിയന്ത്രിച്ചിരിക്കുകയാണ്.ഏറക്കാലത്തെ പുനര്‍നിര്‍മാണ ജോലികള്‍ക്കുശേഷമാണ് കൂട്ടുപുഴ -ഇരിട്ടി റോഡിലെ കിളിയന്തറ 32ാം കോളനിക്കുസമീപത്തെ റോഡ് തകര്‍ച്ച പരിഹരിച്ച് ഗതാഗതത്തിനായി തുറന്നത്. എന്നാല്‍, മഴ ശക്തിപ്രാപിച്ചതോടെ റോഡ് താഴ്ന്നുതുടങ്ങിയത് വലിയ അപകടമാണ് വിളിച്ചോതുന്നത്. തുടര്‍ച്ചയായി റോഡ് താഴ്ന്നുപോകുന്നത് നിര്‍മാണത്തിലെ അശാസ്ത്രീയതയാണെന്ന്​ ആരോപണമുണ്ട്​.