കേളകത്ത് ഓട്ടോമറിഞ്ഞ് മൂന്നുപേര്‍ക്ക് പരിക്ക്

കേളകത്ത് ഓട്ടോമറിഞ്ഞ് മൂന്നുപേര്‍ക്ക് പരിക്ക്​ കേളകം: ചെങ്ങോം ഭാഗത്തുനിന്ന് മൂന്ന് കുട്ടികളും സ്ത്രീയുമായി ഇരട്ടത്തോട് ഭാഗത്തേക്ക് പോവുകയായിരുന്ന ഓട്ടോറിക്ഷ കേളകം ടൗണില്‍ നിയന്ത്രണം നഷ്​ടപ്പെട്ട് സ്വകാര്യ മെഡിക്കല്‍ ഷോപ്പിന് മുന്നില്‍ മറിഞ്ഞു. മറിഞ്ഞ ഓട്ടോറിക്ഷ നിവര്‍ത്തിവെക്കുന്നതിനിടെ മെഡിക്കല്‍ ഷോപ്പിലേക്ക് നിയന്ത്രണം വിട്ട് കയറി. കേളകം ടൗണിലെ നവ്യ സ്വീറ്റ്‌സ് ഉടമ പ്രകാശന്‍, സമീപത്തെ പച്ചക്കറി കടയിലെ തൊഴിലാളി രജീഷ് എന്നിവര്‍ക്കും ഓട്ടോയില്‍ ഉണ്ടായിരുന്ന സ്ത്രീക്കും പരിക്കേറ്റു. ഇവരെ പ്രാഥമിക ചികിത്സക്കുശേഷം വിട്ടയച്ചു. പ്രകാശന് കാലിനും കൈക്കുമാണ് പരിക്കേറ്റത്.