മദ്യശാലകൾ പൂട്ടണമെന്നാവശ്യപ്പെട്ട്​ കലക്​ടറേറ്റ് ധർണ

മദ്യശാലകൾ പൂട്ടണമെന്നാവശ്യപ്പെട്ട്​ കലക്​ടറേറ്റ് ധർണ MADYA VIRUDHA JANAKEEYA MUNNANI DHARNA.....സർക്കാറി​ൻെറ മദ്യനയം തിരുത്തണമെന്നാവശ്യപ്പെട്ട് മദ്യവിരുദ്ധ ജനകീയ മുന്നണിയുടെ ആഭിമുഖ്യത്തിൽ കലക്​ടറേറ്റിനു മുന്നിൽ സംഘടിപ്പിച്ച പ്രതിഷേധ ധർണ കോർപറേഷൻ മേയർ അഡ്വ. ടി.ഒ. മോഹനൻ ഉദ്ഘാടനം ചെയ്യുന്നുകണ്ണൂർ: അന്താരാഷ്​ട്ര ലഹരി വിരുദ്ധ ദിനാചരണത്തോടനുബന്ധിച്ച്, ലഹരി വ്യാപിപ്പിക്കുന്ന സർക്കാർ മദ്യനയം തിരുത്തണമെന്നാവശ്യപ്പെട്ട് മദ്യ വിരുദ്ധ ജനകീയ മുന്നണിയുടെ ആഭിമുഖ്യത്തിൽ കലക്​ടറേറ്റ്​ ധർണ സംഘടിപ്പിച്ചു. കണ്ണൂർ കോർപറേഷൻ മേയർ അഡ്വ. ടി.ഒ. മോഹനൻ ഉദ്ഘാടനം ചെയ്​തു.കോവിഡ് സാഹചര്യം പോലും പരിഗണിക്കാതെ മദ്യശാലകൾ തുറന്ന സർക്കാർ നടപടി പിൻവലിക്കണമെന്നും അവ ഉടൻ അടച്ചുപൂട്ടണമെന്നും അദ്ദേഹം ആവശ്യപ്പെട്ടു.മദ്യവിരുദ്ധ ജനകീയ മുന്നണി ജില്ല ചെയർമാൻ ബഷീർ കളത്തിൽ അധ്യക്ഷത വഹിച്ചു. വിവിധ മദ്യവിരുദ്ധ -ജനകീയ സംഘടനകളെ പ്രതിനിധാനംചെയ്​ത്​​ സി.പി. മുസ്​തഫ (വെൽഫെയർ പാർട്ടി), അബ്​ദുൽ സലാം വള്ളിത്തോട് (ലഹരി നിർമാർജന സമിതി), മേരി എബ്രഹാം (അഖിലേന്ത്യ മഹിള സാംസ്​കാരിക സംഘടന), സി.സി. ശക്കീർ ഫാറൂഖി (കെ.എൻ.എം മർകസുദഅ്​വ), മായൻ വേങ്ങാട് (കൺസ്യൂമർ കൗൺസിൽ), രശ്​മി രവി (മദ്യ വിരുദ്ധ ജനകീയ സമരസമിതി), സൗമി ഇസബെൽ, പ്രകാശൻ വാരം (മദ്യനിരോധന സമിതി), അഷ്റഫ് എന്നിവർ സംസാരിച്ചു. മുന്നണി ജില്ല കൺവീനർ അഡ്വ. പി.സി. വിവേക് സ്വാഗതവും ജില്ല വൈസ് ചെയർമാൻ ഫസൽ പുറത്തീൽ നന്ദിയും പറഞ്ഞു.