വരുമോ മുഖ്യമന്ത്രിയുടെ സ്വപ്​നപദ്ധതിയായ 'ഗ്ലോബൽ ​െഡയറി വില്ലേജ്​'

വരുമോ മുഖ്യമന്ത്രിയുടെ സ്വപ്​നപദ്ധതിയായ 'ഗ്ലോബൽ ​െഡയറി വില്ലേജ്​' പ്രൂഫ്​ കഴിഞ്ഞതാണ്​. ഉപയോഗിക്കണംകണ്ണൂർ: ക്ഷീര മേഖലയിലെ വികസന പദ്ധതിയുടെ ഭാഗമായി ഏറെ പ്രതീക്ഷയോടെ മുഖ്യമന്ത്രിയുടെ മണ്ഡലത്തിൽ നടപ്പാക്കാൻ ആവിഷ്​കരിച്ച ഗ്ലോബൽ ​െഡയറി വില്ലേജ്​ പദ്ധതി ചുവപ്പു നാടയിൽ. ക്ഷീരമേഖല ആദായകരവും സുസ്​ഥിര വരുമാനദായകവുമായി മാറ്റി യുവാക്കളെ ഇൗ മേഖലയിലേക്ക്​ ആകർഷിക്കാൻ ലക്ഷ്യമിട്ടാണ്​ മൂന്നുവർഷം മുമ്പ്​ സംയോജിത ക്ഷീര വികസന പദ്ധതിയായി ഗ്ലോബൽ ​െഡയറി വില്ലേജിന്​ രൂപം നൽകിയത്​. മുഖ്യമന്ത്രി പിണറായി വിജയൻ നേരിട്ട്​ മുൻകൈയെടുത്ത പദ്ധതിയായിരുന്നു ഇത്​. 70 കോടി പദ്ധതിക്കായി സർക്കാർ മാറ്റിവെക്കുകയും ചെയ്​തിരുന്നു. എന്നാൽ ഗ്ലോബൽ ​െഡയറി വില്ലേജ്​ യാഥാർഥ്യമായാൽ മിൽമക്ക്​ എതിരാകുമെന്ന്​ ​ചൂണ്ടിക്കാട്ടി അന്നത്തെ ക്ഷീര മന്ത്രിയുടെ അണ്ടർ സെക്രട്ടറി തലത്തിലുള്ള ഒരു ഉദ്യോഗസ്​ഥനാണ​േത്ര പദ്ധതി ചുവപ്പു നാടയിൽ കുരുക്കിയിട്ടത്​. മുഖ്യമന്ത്രിയുടെ അഡീഷനൽ പ്രൈവറ്റ്​ സെക്രട്ടറി മേജർ ദിനേശ്​ ഭാസ്​കറിനായിരുന്നു പദ്ധതി നടത്തിപ്പിനുള്ള ചുമതല. എന്നാൽ പ്രോജക്​ട്​ സമർപ്പിച്ച്​ മൂന്നു വർഷം കഴിഞ്ഞിട്ടും ക്ഷീര മന്ത്രിയുടെ ഒാഫിസ്​ അനുമതി നൽകിയില്ല. മുഖ്യമന്ത്രിയു​ടെ മണ്ഡലമായ ധർമടം മണ്ഡലത്തിൽ ഉൾപ്പെട്ട വേങ്ങാട്​ ഗ്രാമപഞ്ചായത്ത്​ കേന്ദ്രീകരിച്ചാണ്​ ഗ്ലോബൽ ​െഡയറി വില്ലേജ്​ എന്ന ക്ഷീര വികസന പദ്ധതി നടപ്പാക്കാൻ തീരുമാനിച്ചിരുന്നത്​. പദ്ധതിയുടെ പ്രരംഭ പ്രവർത്തനങ്ങൾ പൂർത്തിയാക്കി വരുന്നതായി അന്നത്തെ വകുപ്പ്​ മന്ത്രി എം. രാജു നിയമസഭയിൽ വ്യക്​തമാക്കുകയും ചെയ്​തിരുന്നു. നാടൻ പശുക്കളുടെ സംരക്ഷണവും ​െഡയറി യൂനിറ്റുകളും ​െഡയറി പ്ലാൻറ്​, ഫുഡ്​ പ്രോസസിങ്​ പ്ലാൻറ്​, ഫോഡർ എന്നിവയുമാണ്​ പ്രധാനമായും പദ്ധതിയുടെ ഭാഗമായി നടപ്പാക്കാനിരുന്നത്​. ധർമടം മണ്ഡലത്തിൽ ഉൾപ്പെട്ട ധർമടം, പിണറായി, വേങ്ങാട്​, മുഴപ്പിലങ്ങാട്​, അഞ്ചരക്കണ്ടി, ചെമ്പിലോട്​, കടമ്പൂർ, പെരളശ്ശേരി എന്നീ ഗ്രാമ പഞ്ചായത്തുകളിൽ സാറ്റലൈറ്റ് ​െഡയറി യൂനിറ്റുകളും സ്​ഥാപിക്കാൻ പദ്ധതി വിഭാവനം ചെയ്​തിരുന്നു. ഇന്ത്യൻ ജനുസുകളുടെ സവിശേഷമായ പാലുൽപാദന, ഗുണമേന്മ സാധ്യതകൾ ഉപ​േയാഗപ്പെടുത്തി വാണിജ്യാടിസ്​ഥാനത്തിൽ പാൽ ഉൽപാദിപ്പിച്ച്​ ഗുണനിലവാരത്തോടെ മൂല്യ വർധന നടത്തി ആധുനിക സാ​േങ്കതിക വിദ്യയിലൂടെ നൂതന ക്ഷീരോൽപന്നങ്ങൾ നിർമിച്ച്​ സ്വദേശത്തും വിദേശത്തും വിപണി കണ്ടെത്തുകയും തദ്ദേശീയമായ തൊഴിൽ സാധ്യത വർധിപ്പിക്കുകയും പദ്ധതിയുടെ ലക്ഷ്യമായിരുന്നു. ജനപങ്കാളിത്തത്തോടെ ജൈവ കാർഷിക ഉൽപന്നങ്ങൾ ഉൽപാദിപ്പിക്കുക, ഫാം ടൂറിസം പ്രോത്സാഹിപ്പിക്കുക തുടങ്ങിയവയും പദ്ധതി വിഭാവനം ചെയ്​തിരുന്നു. .............. മട്ടന്നൂർ സുരേന്ദ്രൻ