കേളോത്ത് മാധവൻ മാസ്​റ്റർ അനുസ്മരണം

മാഹി: സ്വാതന്ത്ര്യസമര സേനാനിയും മാഹിവിമോചന സമരപോരാളിയും ഗാന്ധിയനുമായ കേളോത്ത് മാധവൻ മാസ്​റ്ററുടെ പത്താം ചരമവാർഷിക ദിനത്തിൽ സ്മൃതി മണ്ഡപത്തിൽ പുഷ്പാർച്ചനയും അനുസ്മരണവും നടത്തി. അനുസ്മരണ യോഗത്തിൽ അഡ്വ. എ.പി. അശോകൻ അധ്യക്ഷത വഹിച്ചു. കീഴന്തൂർ പത്മനാഭൻ മുഖ്യഭാഷണം നടത്തി. ഉത്തമൻ തിട്ടയിൽ, കെ.വി. ഹരീന്ദ്രൻ, അൻസിൽ അരവിന്ദ്, എൻ. മോഹനൻ, ഐ. അരവിന്ദൻ, കെ.വി. സന്ദീവ് എന്നിവർ സംസാരിച്ചു.