കിടപ്പുരോഗികൾക്ക് വാക്സിൻ നൽകി

കിടപ്പുരോഗികൾക്ക് വാക്സിൻ നൽകി കൂത്തുപറമ്പ്: മാങ്ങാട്ടിടം പഞ്ചായത്തിൻെറ നേതൃത്വത്തിൽ കിടപ്പുരോഗികൾക്കുള്ള വാക്സിനേഷൻ ആരംഭിച്ചു. 160 പേർക്കാണ് ആദ്യ ഘട്ടത്തിൽ കോവിഷീൽഡ് വാക്സിൻ നൽകുന്നത്. പാലിയേറ്റിവ് കെയറിൽ രജിസ്​റ്റർ ചെയ്ത കിടപ്പുരോഗികൾക്കാണ് വാക്സിൻ കുത്തിവെച്ചത്. 350ഓളം പേരാണ് ഐ.ആർ.പി.സിയുടെ കീഴിലുള്ള പാലിയേറ്റിവ് കെയറിൽ രജിസ്​റ്റർ ചെയ്തിട്ടുള്ളത്. ഇതിൽ അവശതയനുഭവിക്കുന്ന 160 പേർക്കാണ് ആദ്യ ഘട്ടത്തിൽ വാക്സിൻ നൽകുന്നത്. മുൻഗണന വിഭാഗത്തിനുവേണ്ടി രജിസ്​റ്റർ ചെയ്തവരിൽനിന്ന്​ ഉപയോഗിക്കാത്തവരുടെ വാക്സിൻ മിച്ചം വന്നിരുന്നു. ഇങ്ങനെ മിച്ചം വന്ന വാക്സിനാണ് ജില്ല മെഡിക്കൽ ഓഫിസിൻെറ അനുമതിയോടെ കിടപ്പുരോഗികൾക്ക് കുത്തി​െവച്ചത്.പ്രത്യേക സംഘമാണ് വീടുകളിലെത്തി കിടപ്പുരോഗികളെ കുത്തിവെച്ചത്. പദ്ധതിയുടെ ഉദ്ഘാടനം മാങ്ങാട്ടിടം പഞ്ചായത്ത് പ്രസിഡൻറ് പി.സി. ഗംഗാധരൻ മാസ്​റ്റർ നിർവഹിച്ചു. ആരോഗ്യ സ്​റ്റാൻഡിങ്​ കമ്മറ്റി അംഗം വിജേഷ് മാറോളി അധ്യക്ഷത വഹിച്ചു. മെഡിക്കൽ ഓഫിസർ ഡോ. പി.എം. ഫാറൂഖ്, എച്ച്.ഐമാരായ ഡി.കെ. മനോജ്, വി. ഇന്ദിര, നഴ്സുമാരായ ഒ.സി. ബിന്ദു, റജിന ചാക്കോ, ബിന്ദു എന്നിവർ നേതൃത്വം നൽകി.