കോൺഗ്രസ് ലക്ഷദ്വീപ് ഐക്യദാർഢ്യ സംഗമം

കോൺഗ്രസ് ലക്ഷദ്വീപ് ഐക്യദാർഢ്യ സംഗമം പടം irt congress കോൺഗ്രസ് അയ്യൻകുന്ന് മണ്ഡലം കമ്മിറ്റി അങ്ങാടിക്കടവിൽ നടത്തിയ ലക്ഷദ്വീപ് ഐക്യദാർഢ്യ സംഗമംഇരിട്ടി: കോൺഗ്രസ് മണ്ഡലം-ബൂത്ത് കമ്മിറ്റികളുടെ നേതൃത്വത്തിൽ ലക്ഷദ്വീപ് ഐക്യദാർഢ്യ സംഗമം സംഘടിപ്പിച്ചു. ആറളം മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ മണ്ഡലത്തിലെ വിവിധയിടങ്ങളിൽ ലക്ഷദ്വീപ് ഐക്യദാർഢ്യം സംഘടിപ്പിച്ചു. ചെടിക്കുളം ടൗണിൽ നടന്ന പരിപാടി ഇരിട്ടി ബ്ലോക്ക് പഞ്ചായത്ത് പ്രസിഡൻറ്​ കെ. വേലായുധൻ ഉദ്ഘാടനം ചെയ്തു. മണ്ഡലം പ്രസിഡൻറ്​ ജോഷി പാലമറ്റം അധ്യക്ഷത വഹിച്ചു.ആറളം, എടൂർ, വീർപ്പാട് എന്നിവിടങ്ങളിൽ നടന്ന പരിപാടിയിൽ അരവിന്ദൻ ആറളം, ബ്ലോക്ക് പഞ്ചായത്ത് സ്​റ്റാൻഡിങ് കമ്മിറ്റി ചെയർപേഴ്സൻ ഷിജു നെടുംപറമ്പിൽ, ആറളം ഗ്രാമപഞ്ചായത്ത് മെംബർമാരായ നാസർ, സെലീന ടീച്ചർ, ജോസ് അന്തിയാംകുളം, ജെസി, യൂത്ത് കോൺഗ്രസ് മണ്ഡലം പ്രസിഡൻറ്​ അയ്യൂബ്, നൗഫൽ, മണ്ഡലം ഭാരവാഹികളായ ജാൻസൺ, സുരേന്ദ്രൻ, യജീദ്, ഇബ്രാഹിം, കെ.എം. പീറ്റർ എന്നിവർ സംസാരിച്ചു.അയ്യൻകുന്ന് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ അങ്ങാടിക്കടവ് ടൗണിൽ ലക്ഷദ്വീപ് സംരക്ഷണ ദിനം സംഘടിപ്പിച്ചു. ഡി.സി.സി ജനറൽ സെക്രട്ടറി ജെയ്സൻ കാരക്കാട്ട് ഉദ്ഘാടനം ചെയ്തു. മണ്ഡലം പ്രസിഡൻറ്​ ജയിൻസ് മാത്യു അധ്യക്ഷത വഹിച്ചു. പായം മണ്ഡലം കോൺഗ്രസ്‌ കമ്മിറ്റിയുടെ നേതൃത്വത്തിൽ ലക്ഷദ്വീപ് സംരക്ഷണ ദിനമായി ആചരിച്ചു. മാടത്തിൽ ടൗണിൽ നടന്ന പരിപാടി ബ്ലോക്ക്‌ കോൺഗ്രസ് പ്രസിഡൻറ്​ തോമസ് വർഗീസ് ഉദ്ഘാടനം ചെയ്തു. മണ്ഡലം പ്രസിഡൻറ്​ റഈസ് കണിയറക്കൽ അധ്യക്ഷത വഹിച്ചു. പി.സി. പോക്കർ, ജോസ് മാടത്തിൽ, ബിജു കരിമാക്കി, ജോസ്‌കുട്ടി തുണ്ടത്തിൽ, ജെയിംസ് കടമ്പൻചിറ എന്നിവർ സംസാരിച്ചു.