നഗരസഭയിൽ അഞ്ച് ഹൈമാസ്​റ്റ്​ ലൈറ്റുകൾ സ്ഥാപിച്ചു

നഗരസഭയിൽ അഞ്ച് ഹൈമാസ്​റ്റ്​ ലൈറ്റുകൾ സ്ഥാപിച്ചു photo--iritty hymast light ഇരിട്ടി നഗരസഭ ഉളിയില്‍ ടൗണില്‍ സ്ഥാപിച്ച ഹൈമാസ്​റ്റ്​ ലൈറ്റ് നഗരസഭാധ്യക്ഷ കെ. ശ്രീലത ഉദ്ഘാടനം ചെയ്യുന്നുഇരിട്ടി: ഇരിട്ടി നഗരസഭ 2019-20 വാര്‍ഷിക പദ്ധതിയിലുള്‍പ്പെടുത്തി നഗരസഭയിലെ അഞ്ച് കേന്ദ്രങ്ങളില്‍ സ്ഥാപിച്ച ഹൈമാസറ്റ് ലൈറ്റ് ഇരിട്ടി നഗരസഭാധ്യക്ഷ കെ. ശ്രീലത ഉദ്ഘാടനം ചെയ്തു. പത്തൊമ്പതാംമൈല്‍, ഉളിയിൽ ടൗണ്‍, ജബ്ബാര്‍ക്കടവ്, കീഴൂര്‍, പയഞ്ചേരിമുക്ക് എന്നിവിടങ്ങളിലാണ് ലൈറ്റ് സ്ഥാപിച്ചത്​.പത്തൊമ്പതാംമൈലില്‍ നഗരസഭ കൗണ്‍സിലര്‍ പി.കെ. ബല്‍ക്കീസ് അധ്യക്ഷത വഹിച്ചു. ജബ്ബാര്‍ക്കടവില്‍ ഇന്‍.കെ. ഇന്ദുമതി അധ്യക്ഷത വഹിച്ചു. ഉളിയില്‍ ടൗണില്‍ നഗരസഭ കൗണ്‍സിലര്‍ ടി.കെ. ഷരീഫ അധ്യക്ഷത വഹിച്ചു. നഗരസഭ ഉപധ്യക്ഷന്‍ പി.പി. ഉസ്മാന്‍ പദ്ധതി വിശദീകരിച്ചു. അബ്​ദുൽഖാദർ കോമ്പില്‍, നഗരസഭ സെക്രട്ടറി സ്വരൂപ്, എം.പി. അബ്​ദുറഹ്മാന്‍, കെ. രാജന്‍, ഇബ്‌നുസീന എന്നിവര്‍ സംസാരിച്ചു.