തലശ്ശേരിയിൽ മഴക്കാലപൂർവ ശുചീകരണം ഊർജിതമാക്കുന്നു

തലശ്ശേരിയിൽ മഴക്കാലപൂർവ ശുചീകരണം ഊർജിതമാക്കുന്നുപടം..... mazhakal poorav cleaning.jpgമഴക്കാല പൂർവ ശുചീകരണ പ്രവർത്തനങ്ങൾ വിശദീകരിക്കാനായി തലശ്ശേരി നഗരസഭയിൽ നടന്ന യോഗത്തിൽ ചെയർപേഴ്സൻ കെ.എം. ജമുനാറാണി സംസാരിക്കുന്നുതലശ്ശേരി: മഴക്കാലപൂർവ ശുചീകരണ പ്രവർത്തനങ്ങൾ തലശ്ശേരി നഗരസഭയിൽ ഊർജിതമാക്കി. റെയിൽവേ പാളത്തി​ൻെറ അടിയിലുള്ള അഞ്ച് പൈപ്പുകളിൽ വർഷങ്ങളായിഅടിഞ്ഞുകൂടിയ ചളിയും മണ്ണും നീക്കി. നഗരത്തിലെ വെള്ളക്കെട്ടിന് ഇതുവഴി പരിഹാരമാകുമെന്ന പ്രതീക്ഷയിലാണ് വ്യാപാരികൾ.ശുചീകരണ പ്രവർത്തനത്തിന് മുൻകൈയെടുത്ത നഗരസഭയെയും അനുമതി നൽകിയ റെയിൽവേയെയും വ്യാപാരി സംഘടനകൾ അഭിനന്ദിച്ചു.സംസ്ഥാന സർക്കാറി​ൻെറ നിർദേശാനുസരണം ജൂൺ അഞ്ച്, ആറ് തീയതികളിൽ നഗരസഭയുടെ നേതൃത്വത്തിൽ വ്യാപകമായി ശുചീകരണ പ്രവർത്തനങ്ങൾ നടത്തും. ഇതി​ൻെറ ഭാഗമായി നഗരസഭയിലെ വിവിധ രാഷ്​ട്രീയ പാർട്ടികൾ, സന്നദ്ധ സംഘടനകൾ, യുവജന സംഘടനകൾ, വ്യാപാര സംഘടനകൾ, ഹോട്ടൽ ആൻഡ്​ റസ്​റ്റാറൻറ്​ അസോസിയേഷൻ, ഐ.എം.എ തുടങ്ങിയവരുടെ യോഗം വിളിച്ചുചേർത്തു. ജില്ല കോടതിക്കടുത്ത സൻെറിനറി പാർക്കിൽ ശനിയാഴ്ച രാവിലെ ഏഴിന് പരിസ്ഥിതി ദിന പരിപാടിയുടെ ഭാഗമായി തലശ്ശേരി നഗരസഭ ചെയർപേഴ്സൻ വൃക്ഷത്തൈ നടും. തുടർന്ന് മത്സ്യ മാർക്കറ്റ് പരിസരം, സംഗമം ജങ്ഷൻ, പുതിയ ബസ് സ്​റ്റാൻഡ്, പച്ചക്കറി മാർക്കറ്റ് എന്നിവിടങ്ങളിൽ ശുചീകരണം നടത്തും. കൂടാതെ കൊടുവള്ളി കോ ഓപറേറ്റിവ് ആശുപത്രി പരിസരം ഇരുവശവും ചെടികൾ ബുഷ് കട്ടർ ഉപയോഗിച്ച് ക്രോപ്​ ചെയ്ത് സുന്ദരമാക്കും. പരിസ്ഥിതി ദിനാചരണത്തി​ൻെറ ഭാഗമായി വെച്ചുപിടിപ്പിക്കുന്ന ചെടികൾ സംരക്ഷിക്കാനാവശ്യമായ സംവിധാനം ഏർപ്പെടുത്തും. നഗരസഭ നേതൃത്വം നൽകുന്ന നഗര സൗന്ദര്യവത്​കരണത്തിന് എല്ലാ സംഘടനകളും പൂർണ പിന്തുണ അറിയിച്ചു.