കലക്ടറേറ്റിനുമുന്നിലും തദ്ദേശ സ്ഥാപനങ്ങൾക്കുമുന്നിലും ഇന്ന് ധർണ സമരം

തളിപ്പറമ്പ്: കേരള അയേൺ ഫാബ്രിക്കേഷൻ എൻജിനീയറിങ് യൂനിറ്റ് അസോസിയേഷൻ ജില്ല കമ്മിറ്റി വിവിധ ആവശ്യങ്ങളുന്നയിച്ച് ചൊവ്വാഴ്ച കലക്ടറേറ്റിന് മുന്നിലും തദ്ദേശ സ്ഥാപനങ്ങൾക്ക് മുന്നിലും ധർണ സമരം സംഘടിപ്പിക്കും. ഇരുമ്പ് ഉൽപന്നങ്ങളുടെ അമിതമായ വിലക്കയറ്റം തടയുക, പൊല്യൂഷൻ കൺട്രോൾ ബോർഡിൽനിന്ന് ലൈറ്റ് എൻജിനീയറിങ്​ വിഭാഗത്തിന് നൽകിവന്ന വൈറ്റ് കാറ്റഗറി പുനഃസ്ഥാപിക്കുക, ലൈസൻസില്ലാത്തവർ നടത്തുന്ന മൊബൈൽ വെൽഡിങ്​ വർക്കുകൾ തടയുക, ചെറുകിട വെൽഡിങ്​ വ്യവസായ മേഖലയെ സംരക്ഷിക്കാൻ നടപടി സ്വീകരിക്കുക തുടങ്ങിയ ആവശ്യങ്ങൾ ഉന്നയിച്ചാണ് സമരം നടത്തുന്നതെന്ന് സംഘാടകർ പറഞ്ഞു. വാർത്തസമ്മേളനത്തിൽ സംസ്ഥാന വൈസ് പ്രസിഡൻറ് വി. വിജയൻ, ജില്ല പ്രസിഡൻറ് കെ. മനോഹരൻ, സെക്രട്ടറി ടി.വി. പ്രകാശൻ, പി.പി. അജേഷ്, കെ. വിജയൻ എന്നിവർ പങ്കെടുത്തു.