റിപ്പബ്ലിക്​ ദിനാഘോഷം

കണ്ണൂർ: റിപ്പബ്ലിക് ദിനത്തോടനുബന്ധിച്ച് കോർപറേഷൻ ഓഫിസിൽ മേയർ അഡ്വ. ടി.ഒ. മോഹനൻ പതാക ഉയർത്തി. ഓഫിസ് പരിസരത്തെ ഗാന്ധി പ്രതിമയിൽ ഹാരാർപ്പണവും സ്വാതന്ത്ര്യ സമര സ്തൂപത്തിൽ പുഷ്പാർച്ചനയും നടത്തി. ഹരിത പ്രോട്ടോകോൾ പ്രതിജ്​ഞ മേയർ ചൊല്ലിക്കൊടുത്തു. സർക്കാർ ഓഫിസുകളിലെ ഹരിത പ്രോട്ടോകോൾ പ്രവർത്തനങ്ങൾക്ക് എ ഗ്രേഡ് നേടിയ പുഴാതി പ്രാഥമികാരോഗ്യ കേന്ദ്രത്തിനുള്ള 'ഹരിത ഓഫിസ്' സാക്ഷ്യപത്രം ഡെപ്യൂട്ടി മേയർ ഷബീന ടീച്ചറിൽനിന്നും പുഴാതി മെഡിക്കൽ ഓഫിസർ ഡോ.രഞ്ജിത്ത് വത്സലൻ എറ്റുവാങ്ങി.