ദത്തെടുത്ത പെൺകുട്ടിയെ പീഡിപ്പിച്ച കേസിൽ വയോധികൻ അറസ്​റ്റിൽ

കണ്ണൂർ: താൽക്കാലികമായി ദത്തെടുത്ത ശേഷം കുട്ടിയെ പീഡിപ്പിച്ചെന്ന പരാതിയിൽ വയോധികനെ പൊലീസ് അറസ്​റ്റ്​ ചെയ്​തു. കണ്ടംകുന്ന് സ്വദേശി ചമ്മനാപ്പറമ്പിൽ സി.ജി. ശശികുമാറിനെയാണ്​ (60) പോക്സോ നിയമപ്രകാരം അറസ്​റ്റ് ചെയ്​തത്. 2017ലാണ് കേസിനാസ്​പദമായ സംഭവം. 14 വയസ്സ്​​ പ്രായമായിരിക്കെയാണ് കുട്ടിയെ ഇയാൾ ദത്തെടുത്തത്. 18 വയസ്സ്​​ പൂർത്തിയായതിന്​ ശേഷം അനാഥാലയത്തിലേക്ക്​ തിരിച്ചുപോയ പെൺകുട്ടിയെ വീണ്ടും ദത്തെടുക്കാൻ ഇയാൾ ശ്രമിച്ചെങ്കിലും നടന്നില്ല. നാലു വർഷത്തിനു ശേഷം കഴിഞ്ഞ ദിവസം കൗൺസലിങ്ങിനിടെ പീഡനത്തിനിരയായ കുട്ടിയുടെ സഹോദരിയാണ് വിവരം പുറത്തുപറയുന്നത്. തുടർന്ന് കൂത്തുപറമ്പ് പൊലീസിനെ അറിയിച്ചു. രണ്ടു ദിവസത്തെ അന്വേഷണത്തിന് ശേഷം ശശികുമാറിനെ അറസ്​റ്റ്​ ചെയ്യുകയായിരുന്നു. പ്രതിയെ ശനിയാഴ്​ച കോടതിയിൽ ഹാജരാക്കും. ഫോട്ടോ: kng ktba sasikumar pocso ശശികുമാർ